امریکہ مشکل نا ساہت اٹی مدام پاکستان تون  تفینے، تین پہ تینی ہیلتھ ڈائیلاگ نا ارٹ میکو راؤنڈ نا چاری اُن، وزیر جان جوڑی عبدالقادر پٹیل

اسلام آباد۔ 05 مئی (اے پی پی) بنجائی وزیر جان جوڑی عبدالقادر پٹیل پارینے کہ امریکہ مشکل نا ساہت اٹی مدام پاکستان تون تفینے، ہڑتوم آ ملک آتا نیام اٹ ہیلتھ ڈائیلاگ نا ارٹ میکو راؤنڈ نا چاری  اُن ۔ داخیال آتا درشانی ءِ او امریکی سفارت خانہ نا ڈپٹی چیف آف مشن اینڈ ریوشوفر تون ٹیل فون آ گپ وتران اٹی کرے۔ ہڑتوم آ راہشونک گپ وتران اٹی جان جوڑی نا بشخ و تین پہ تینی است خواہی نا امور تیا گپ وتران کریر۔ وزیرجان جوڑی نوکاپ اٹی امریکی امداد نا خاص منت واری ءِ ہرفے و پارے کہ امریکہ مشکل نا ساہت اٹی مدام پاکستان تون تفینے۔ اوپارے کہ جان جوڑی نا بشخ اٹی گچینی ننا اولیت ءِ، نن پاکستان و امریکہ نانیام اٹ ہیلتھ ڈائیلاگ نا ارٹ میکو راؤنڈ نا چاری اُن۔ عبدالقادر پٹیل پارے کہ امریکی ادارہ یوایس اے آئی ایڈ نا امداد ڈریپ نا بابت بھاز اہمیت تخک، ڈریپ تینے پوسکن آ وڑتتون ہم گرنچ کننگ ءِ۔ ڈپٹی چیف آف مشن اینڈ ریوشوفر پارے کہ امریکی حکومت پاکستان نا ہیلتھ انا بشخ اٹی امداد و کمکاری ءِ برجاتخک۔ اونا پاننگ ئس کہ پاکستان نوکاپ آن زہمی علاقہ غاتیٹی جان جوڑی نا آسراتی تا فراوانی کن گچین گام گیج کرینے۔