مچ آ ملک اٹی 24 گھنٹہ ٹی کورونا دین انا پوسکن ءُ 22 کیس رپورٹ مس، قومی ادارہ جان جوڑی

اسلام آباد۔ 05 مئی (اے پی پی) قومی ادارہ جان جوڑی (این آئی ایچ) پارینے کہ مچ آ ملک اٹی 24 گھنٹہ ٹی کورونا دین انا پوسکن ءُ 22 کیس رپورٹ مس و 8 ناجوڑآتاحالیت نازرک ءِ۔ جمعہ نادے آ این آئی ایچ نا کنڈآن جاری حساب وکتاب نا رداٹ مچ آ ملک اٹی 24 گھنٹہ ٹی کورونا دین انا 2 ہزار 643 ٹیسٹ کننگا ہرافتیان 22 بندغ آتا ٹیسٹ مثبت بس ہنداوڑ مثبت کیس آتا کچ 0.83درسد ئسک و داوخت آ کورونا دین آن اسہ ناجوڑ اس ہم زوال کتنے وخت اس کہ 8 ناجوڑ آتا حالیت نازرک ءِ۔ تدوک آ 24 گھنٹہ ٹی لاہور اٹی کروک آ 226 ٹیسٹ آتیان 2 بندغ آتا ٹیسٹ مثبت بس و ہموڑے مثبت کیس آتا کچ 0.88درسد ئسک، ہندا وڑ راولپنڈی ٹی 104 ٹیسٹ کننگا ہرافتیان 2 بندغ آتا ٹیسٹ مثبت بس و ہموڑے کچ 1.92درسد ئسک، وخت اس کہ ملتان اٹی 114 ٹیسٹ آتیان 3 نا ٹیسٹ مثبت بس و ہموڑے مثبت کیس آتا کچ 2.63درسد ئسک۔