اسلام آباد۔ 22مئی (اے پی پی) اورنج لین میٹرو کن ڈیزائن کروک 27ٹرین بروک آ تُو لاہور آ سرمریک ۔ ریڈیو پاکستان نا رداٹ چین نا کنڈآن اورنج لین میٹرو کن خصوصی وڑاٹ ڈیزائن کروک ٹرین تا اولیکو کھیپ بروک آ تُو لاہور آ سرمریک وخت اس کہ معاہدہ نا رداٹ تیار کروک آ ایلو 26ٹرین اینخو سال انا ایسر اٹی پاکستان آ سرمریرہ۔ یات سلے کہ لاہور اٹی خلقت ئِ گچین سفری آسراتی تننگ کن 26کلو میٹر اورنج لین میٹرو جوڑ جاڑ کننگ انگ ئِ ہراٹی 26اسٹیشن مریک ہرافتیان 2 اسٹیشن ڈغار نا تہٹی مریرہ و ہردے ہزار آ بندغ آک پرسکون و ترند رفتار اورنج لین میٹرو آ سفر کننگ کیرہ۔
