حکومت  ملک ءَ معاشی  برجائی ءِ واستہ ل ترجی داتگیں  کار آنی بنیات ءَ  گامگیج  کنگ ءَ انت۔  معیشت  ءَ  را دوارگ  وتی پاد آنی سر ءَ    اوشتارینگ  ءِ  واستہ   وتی  سیاسی  ترجی   آناں قربان   کتگ،  سینیٹر  اسحاق ڈار

اسلام آباد۔4مئی  (اے پی پی): استیں  حکومت  ملک ءَ معاشی  برجائی  ءِ واستہ    اول سرئی بنیات ءَ  گامگیج  کنگ ءَ انت،  حکومت  م عیشت  ءَرا   دوارگ   وتی پاد آنی سر ءَ   اوشتارینگ  ءِ واستہ وتی سیاسی  ترجی داتگیں کار   آناں  ملک ءِ   سر ءَ  قربان  کتگ۔  استیں  حکومت  ءِ  ترندیں  معاشی جیڈھ  میراس  ءَ    رستگ انت  ءُ  مزنیں کساس  ءَ  سیاسی  قیمت  ءَ   ھم  معاشی  برجائی ءِ کشک  ءَ   واتر   آیگ ءَ  ترندیں  پیسلہ  کتگ۔  اے  گپ  ءِ درشان  بنجاھی وزیر  ھزانگ    ءُ  ٹیکس   سینیٹر  محمد  احاق  ڈار  ءَ راجی  انگریزی   روتاک  ءَ  شنگ بوتگیں    وتی  استیں     بنگپ  ءَ کتگ۔ آئیءَ  گوشتگ کہ  ایشی ءَ اچ  شک  نیست  انت  پاکستان  یک  نہ وشیں   معاشی   جاور  ھال آنی تہ ءَ گوزگ  ءَ انت۔   اے گپ   ءَ  چہ  سہرا  بیتل  کہ    استیں حکومت   ءَ سکیں ساھت  میراس  ءَ  رستگ  انت۔ ءُ  مزنیں سیاسی  قیمت  ءِ   سر ءَ   ھم معاشی  برجائی  ءِ کشک ءَ واپس  آیگ  ءَ ترندیں پیسلہ کتگ ءُ آ  ھم لس  گچین کاری  ءِ   سال ءَ حکومت  ءَ اے  پیسلہ ملک ءِ  مستریں  سیت آنی   بوتگ۔   بدبھتی  ءَ  چہ یک   انوگیں    دروگیں ھالے ۓءِ  اکس ءَ پیش  کنت  ایشی ءَ  چہ  ھمے  سما  بیت  کہ ھاٹیگ  ءِ شوبگ ءَ گہتری  ءُ  ٹیکس   نظام  ءِ   تہ ءَ  مھتلی  ءِ آماچ انت۔  اے گپ   چہ  گواچن ءَ چہ  باز  دور  انت۔  گواچنی ءَ چہ  اے حکومت   ءَ  سروکی ءِ گرگ   ءَ چہ زوتاں پد ،   مھتلی ءِ   آماچ   آئی ایم  ایف   شاھیگانی فنڈ آسراتی (ای ایف  ایف)  پروگرام  ءَ را  برجائی  کنگ ءِ  واستہ  ٹوھیں  گہتریں پیسلہ کتگ ایشی ءِ سبب ءَ  7 ھپتمی   ءُ  8  ھشتمی  چار ءُ تپاسی  کامیاتی  ءَ چہ سرجم بوتگ۔  توان ءُ  گیس  ءِ شوبگ  ءَ    توامیں   نہ  گیشینتگیں  سیم سر  سبسڈیز  ءَ را  واتر گرگ  بوتگ  ایشی ءِ مول ءُ مراد  ٹیرف  ءِ  سر ءَ  ڈلگچار  کنگ ءِ وسیلگ  ءَ پیداوار   ءِ  سرجمیں   ھرچ  ءُ درچ ءِ  گرگ انت۔  حکومت  ءَ  ٹارگٹڈ  سبسڈیز  آنی  نیمگ ءَ گامگیج  آناں  ودینتگ تانکہ  گریب  ءُ  ھمزوریں  تبک ءۓَ را  گران  بھائی   ءُ گیش  بوھوکیں  قیمت  آں چہ  رکھینگ  بوت بکنت  وھدکہ  ایشی ءِ  بار  امیریں تبک  ءِ   سر ءَ  بہ کپ انت۔  ایشی  ءَ ابید  ، حکومت ءَ   یکم جنوری 2023  ءَ چہ بی آئی ایس  پی  ءِ چیر دستی ءَ  کفالت  پروگرام  ءِ  چیر  دستی ءَ گریب  تریں  مردم آنی وظیفہ  ءَ  25  درسد  گیشی  کتگ،  ایشی  ءَ چہ بی آئی ایس  پی ءِ بجٹ  ءَ  40  ارب  کلدار  ءِ گیشی   کنان ءَ  400  ارب  کلدار  کنگ بوتگ۔  حکومت  پالیشی  ءُ انتظامی   گامگیج   آں  ھوار  وام  آناں   دور  کنگ ءِ  واستہ ھمک رنگیں  گامگیج  کنگ ءَ انت۔   ایشی  ءِ نتیجگ   ءَ کرنٹ   اکاؤنٹ  وام   مالی سال  ءِ اولی نو ماہ  آنی  تہ ءَ  31  مارچ  2023   ءِ ساھت  ءَ  بی آئی ایس  پی  ءِ چیر  دستی ءَ کفالت  پروگرام  ءِ چیر دستی ءَ گریبیں  مردم آنی وظیفہ  ءَ  25 درسد  گیشی  کتگ۔  ایشی ءَ چہ  بی آئی ایس پی  ءِ بجٹ ءَ  40 ارب  کلدار   ءِ  گیشی  کنان ءَ  400  ارب کلدار  کنگ بوتگ۔  حکومت  پالیشی  ءُ انتظامی گامھگیج  آں  ھوار  جاڑیں  وام  آناں  دور  کنگ ءِ واستہ  ھمک  رنگیں گامگیج  کنگ  ءَ انت۔   ایشی  ءِ نتیجگ  ءَ  کرنٹ  اکاونٹ  وام  مالی سال  ءِ اولی نو ماہ آنی تہ ءَ  31 مارچ   2023  ءِ ساھت  ءَ ناں ایوک ءَ  3.4 ارب ڈالر  بچ اتگ ایش گوستگیں سال ءِ ھمے وھد ءُ پاس آنی  تہ  ءَ  13.0 ارب  ڈالر  بوتگ۔  امیت انت کہ  30 جون 2023  ءَ  ھلاس  بوھوکیں  مالی سال   ءَ کرنٹ اکاونٹ  وام  کساس   4.5  بلین  ڈالر   بند  بیت۔  اے ملک ءَ  گیر ملکی زر امبار  آناں گہتر  کنگ ءُ ڈنی  وام  آنی  بڈو  بوھگ ءَ را  کم  کنگ ءَ کمک  رسیت۔  حکومت ءَ آئی ایم ایف  ءِگوما   تپاکی  ءِ   ردف ءَ  یک شلی ءَ توامیں ٹیکس  یلوئی  واپس  زرتگ انت۔ حکومت  اے  گواچنی ءَ را  دماگ ءَ  ایر کنگ کہ اے  یلوئی  ناں ایوک  ءَ ٹٰکس  ءِ نظام  ءَ  ھرابی   پیداک  کنگ  بلکینگ ءَ  ٹیکس ءِ  گرگ ءِ سیم  سر آناں در  جنگ ءِ  ھم  کمی ءِ سبب  جوڑ  بیت۔ بنجاھی وزیر  سینیٹر  محمد  اسحاق  ڈسار  ءِ  رد   ءَ   استیں نان  مارک  اپ  ھرچ ءُ درچ  آنی تہ ءَ  19  درسد  کمی  اتکگ  ایشی ءِ  بنیاتی  سبب  سبسڈیز  ءُ گرانٹس  آنی  واپسی انت۔    اسٹیٹ  بینک ملک ءَ  گران بھائی  ءَ را  گر ءُ دار  ءِ  واستہ  مانیٹری پالیسی   ءَ را  ترند  کنگ ءِ  واستہ  آزااتیں  رنگ  ءَ  وتی  پیسلہ  آناں کنگ ءَ انت۔   استیں  گہتری  کار ءُ  کوشست  آنی نتیجگ ءَ پاکستان   ءَ  پیسر ءَ چہ  آئی  ایم  ایف    ءِ گوما  نواھمی  چار  ءُ تپاس  ءِ  واستہ توامیں  پیسری گامگیج   آناں مھتل  کتگ۔  یک رندے پدا،  اے گہتری کار ءَ ٹیکس   ءَ چہ  یلوئی  ءَ را  ھلاس  کنان ءَ  کم  ٹیکس  ءِ  بنیات ءَ    پراھ ءُ شاھیگانیں  گامگیج،  سبزکرائیبر   آنی   سر ءَ بار  لڈگ ءِ واستہ توان  ءُ گیس  ءِ  قیمت   آنی تہء گیشی   ءُ کم  آمدنی  والاایں  گروپ آناں  رکھینگ   ءِ واستہ  سبسڈی  ءِ  بھر ءَ را کم  ءَ چہ کم کنگ   ھوار انت۔  امیت  انت  کہ اسٹاف  لیول  ایگریمنٹ  ءِ سر ءَ زوت آئی ایم ایف  ءِ  گوما  دست چنگل    جنگ  بنت ایشی  ءَ  چہ  پد  آئی  ایم ایف   بورڈ    ءِ  9 نہمی چار ءُ  تپاسی    آنی  منظوری  دیگ بیت۔