مزن  وزیر  شہباز شریف  ءِ  ماحولیاتی مٹ  ءُ بدلی  ءِ  گوما  گر ءُ چیل بوھگ ءِ واستہ  میاں اوستمانی برات آنی   سئیگ  ءُ سر پد  کنگ ءِ  واستہ  سروکیں  کرد

اسلام آباد۔4مئی  (اے پی پی): مزن وزیر  محمد  شہباز شریف ءَ وتی  جوانیں  کوشست آنی وسیلگ ءَ  میاں اوستمانی برات آناں  ماحولیاتی مٹ  ءُ بدلی ءِ  ھرابیں رند  پد آں چہ رکھینگ ءِ واستہ   جوانیں  کرد  پیلو   کتگ۔ آئیءَ ماحولیاتی مٹ  ءُ بدلی  ءِ  ھرابیں رند  پد آنی گوما  گر ءُ چیل بوھگ ءِ  واستہ  میاں اوستمانی   کوشست    کتگ   انچیں وھدے  ءَ  کہ  پاکستان ءَ  گوں  تاریخٰ  مون سون  سیلاپ  ءِ  رنگ ءَ   جاور   آنی گوما  دیم پہ دیمی بوتگ انت۔  ملک ءَ سیلاپ  ءِ    سبب  ءَ    دمگ  کوچگ   آپ ءِ   چیر ءَ بوتگ  انت  ایشی ءَ  چہ   بنی آدم  جاں  جانی تاوان  بوتگ۔  33 ملین   مردم آماچ    بوتگ انت  وھدیکہ   30 بلین   ڈالر ءَ چہ گیش    ءِ  تاوان   بوتگ۔  مزن وزیر  ءَ جوانیں کار  رپک ءَ چہ     ءُ جوانیں  نیمونگ ءَ سرجمیں  دگنیا  ءَ را   باور   کنائینتگ کہ  دیمروئی  کنوکیں ملک آں چہ پیداک  بوتگیں  موسمی  مٹ  ءُ بدلی  آنی رند  پد آنی  پاکستان  دیم  پہ  دیم انت   ءُ آیوکیں بانداست  ءَ  دومی    پڑ   ھمے  ھوپ ءُ  بیم آنی  آماچ  بنت۔   مزن وزیر ءَ   گوستگیں   سال  ءَ شرم الشیخ    ءَ یونائیٹڈ  نیشن   ءِ فریم  ورک  کنونشن  آن کلائیمیٹ    چینج   ءِ  ھوالگ  ءَ  27     بیست ءُ ھپتگمی کانفرنس   آف  پارٹیز  کاپ -27  ءَ  بھر  زورتگ  ءُ یکجائی    سروکی  ءِ   ڈیوٹی ءَ پیلو  کنت ءُ  میاں اوستمانی  برات  آنی  کمک   ءَ در  جنت۔   ایشی   ءَ   چہ  پیسر    ، ماحولیاتی  مٹ  ءُ بدلی ایکشن   پلان  ءِ سر ءَ  مزن وزیر    ءَ را برجائیں   سروکی    ءُ  میاں اوستمانی کوشست  آناں    منگ  ءِ  رد ءَ،   یونائیٹڈ  نیشن ءِ  ماحولیاتی  مٹ  ءُ بدلی  کانفرنس    کاپ -27    ءَ آئی  ءَ کانفرنس   ءِ وائس چیئرمین  شپ    داتگ  ایشی  ءَ    چہ  مزن  وزیر   ءَ  مصر  ءِ صدر   ءُ ناروے  ءِ  مزن وزیر    ءِ گوما  یکجائی  سروکی  کتگ ۔   یونائیٹڈ  نیشن    ءِ کانفرنس   آف  پارٹیز  کاپ -27   ءِ نائب  صدر  جوڑ بوھگ   ماحولیاتی  مٹ  ءُ بدلی  ءِ گوما    گر ءُ چیل  بوھگ  ءِ  واستہ  پاکستان  ءِ    سروکی ءَ   کتگیں  کوشست آناں  میاں  اوستمانی تک ءَ   منگ  انت۔   یونائیٹڈ  نیشن  ءِ   195   باسکیں  ملک آں چہ   پاکستان  ءَ را   اے  شرپ   مزن وزیر  شہباز شریف   ءِ   میاں اوستمانی    ءُ دمگی فورمز  آنی سر ءَ  موسمی  مٹ  ءُ  بدلی ایکشن  پلان  ءَ را  زوتیں  ضلورت   ءِ   ھوالگ ءَ  کتگیں کوشست   آنی  نتیجگ ءَ   رستگ۔  جتا جتائیں   حکومت آنی سروک  آں اے  میگاکلائمیٹ  چیجج  سمٹ  ءِ موہ ءَ  مزن وزیر  ءِ گوما  وتی  گپ ءُ  تران  آنی  تہ ءَ سیلاپ   ءَ چہ آماچیں دمگ  آنی   تہ ءَ   ایشی  ءِ  یک شلیں  استی  ءَ   یک  "گیر  معمولی گامگیج”   نامینت۔  مزن وزیر  ءَ متحدہ  عرب  امارات   ءِ شیخ  محمد    بن زید النہیان، تاجکستان  ءِ صدر  امام علی رحمان،  انڈونیشیا  ءِ نائب  صدر    معروف  امین  ،  عراق  ءِ  صدر   عبدالرشید   راشد   ءُ  لبنان   ءِ  مزن وزیر  نجیب  میقاتی  ءِ  گوما  گند ءُ نند  ءَ  میاں  اوستمانی برات  آنی دلگوش   موسمی   مٹ  ءُ بدلی  ءِ  بیم  ءُ    ترس  آنی گر ءُ دار     ءِ   کوشست ءَ پاکستان ءِ کمک ءَ   کنگ ءِ   بابت  ءَ  دلگوشی  کنائینتگ۔   وتی گشتانک   ءِ ساھت ءَ  مزنو زیر ءَ پاکستان  ءَ    سیلاپ ءِ  نتیجگ ءَ   بوھوکیں   تاوان آناں  سہرا   کتگ  ءُ   اے رد ءَ مھکمیں گامگیج  کنگ ءِ    ھوالگ ءَ زور  پر داتگ۔  مزن وزیر شہباز شریف  ءَ   زور  پر دیان ءَ گوشتگ کہ  یک نوک دیمروئی کنوکیں ملک ءِ رد ءَ ،    اے   جاور آنی تہ ءَ   درستاں  چہ  گیش آماچ   بوتگ۔  پاکستان  ءَ را   نمب ءُ ناس  بزاں  ماحولیاتی  یکوئی ءُ  ماحولیاتی انصاف ءِ  زوت  ضلورت انت۔   آئی ءَ گوشت کہ  کاپ-27  ماحولیاتی  انصاف ءِ در   جنگ ءَ  بنیاتی  گام سہرا  بیت۔  کساس  200  ملک آنی  گشتانکار   آں   مصر ءَ برجم بوھوکیں   یونائیٹڈ  نیشن   ءِ  موسمی   مٹ  ءُ بدلی     سروک  دیوان  ءَ  بھر زوری  کت  ایشی   ءِ اندر ءَ  منوگری  آنی رنگ ءَ   گریبیں  ملک آناں گلوبل   وارمنگ  ءَ  گوں بندوک   بوھگ ءَ  گیش  تاوان    آنی گر ءُ دار   کنگ  ءِ ھوالگ ءَ گپ  ءُ تران  کنگ بوتگ۔   کانفرنس ءَ  بازیں سال  ءَ  چہ موسمی  مٹ   ءُ بدلی     ءِ بابت ءَ گپ ءُ تران   بندات  کنگ  ءَ پد   اے رد ءَ اے  بن گپ  ءَ  ایجنڈا  ءَ را   ایر  کنگ  بوت۔  مزن  وزیر  ءَ اے گپ ءِ سر ءَ   چمشانک دات کہ   ابرم    ءِ رد ءَ گیواری   کنونشن  ءُ پیرس   منوگری  ءِ چیر دستی ءَ پاکستان  کلائمیٹ  ایکشن ایجنڈا  آنی  گولائی انت۔   آئی ءَ گوشت کہ سیلاپ  ءِ آماچیں مردم آنی   کمک ءِ  واستہ   میاں اوستمانی    برات  زمین   ءِ  رکھینگ   ءِ واستہ  یک  یکجائی   چارٹر  ءِ جوڑ  کنگ ءِ  واستہ  یکجائی  بوھگ لوٹ  ائیت۔  مزن  وزیر   شہباز شریف   ءَ   سیلاپ  ءَ چہ  آماچیں پاکستان ءِ    ھوالگ ءَ    میاں اوستمانی  برات آناں سرپد  کنان ءَ گوشتگ کہ ملک ءَ را  وام  ءِ   ناں   گیشیں  فنڈنگ  ءِ ضلورت انت۔  مارا  یک  لیچکدار  ءُ  جوانیں  انفراسٹرکچر  ءَ را   دوارگ  جوڑ  کنگ      ایش  وام  آں چہ ناں  بلکینگ ءَ  ایوک  ءَ  گیشیں  فنڈنگ  ءِ   وسیلگ ءَ  بوت   کنت۔   بلے  اے  ھوالگءَ  ضلورت  ءُ   پکاریں    آسراتی  ءِ  نیام  ءَ اے   ھورکی  روچ  پہ روچ  پراھ ءُ شاھیگان  بوہان ا نت۔ آئی  ءَ گوشتگ کہ مئے  جاور آنی  پھمگ نوک دیمروئی کنوکیں ملک آنی فرض انت۔  آءی ءَ گوشتگ  کہ سیلاپ   8000  کلومیٹر   ءَ چہ  گیش  دگ  آناں  تباہ  کتگ۔  3000  کلومیٹر  ءَ  چہ  گیش   ریلوے   ٹریک آناں  تاوان   پجاری  کتگ ءُ 40 لکھ  ایکٹر  ءَ چہ  گیش  کشار آپ ءَ  برتگ۔  مزن وزیر    ءَ گوشتگ کہ ما   سالانی سال  گپ  جنگ ءَ آں  بلے  بنیاتی  چیز آنی  سر ءَ  تپاک  نہ بوھگ ءِ    سبب ءَ ناکام   بوتگ آں۔  2009  ءَ چہ کوپن  ہیگن کاپ -15  ءَ   2020  ءَ تاں   ھمک  سال  100 بلین   ڈالر  جم  کنگ ءِ  سوگند  انوگ  ءَ تاں    سرجم  نہ بوتگ انت۔  سکیں موسمی   مٹ  ءُ بدلی  واکیہ  آنی   گیش بوھوکیں  کساس ءُ   ترندی آنی رد ءَ   ایشاناں   ودینگ ءِ ضلورت  انت۔  آئی  ءَ گوشت کہ  کاپ   ءِ کرا  کنونشن   ءُ پیرس  منوگری آنی  مول  ءُ  مراد   ءِ در  جنگ  ءِ واستہ   یکجائی بنیات  پٹ ءُ پول  کنگ ءِ  گواچنی  موہ   بوت کنت۔  آئی   ءَ زور پر د یان ءَ گوشت  کہ  ”  ایش انوگ اگاں ناں   گڈا اچبر اناں” وڑیں  جاور  انت چیا کہ  مئے کرا  بوھگ ءِ  واستہ       ، ایش  دگہ    سیارہے  ءَ چہ  نہ اتکگ انت۔  اے کوشست آنی سبب ءَ چہ ،   یونائیٹڈ  نیشن ءِ  فریم  ورک  کنونشن آن  کلائمیٹ چیج   ءِ بابت ءَ  27   کانفرنس   آف پارٹیز  کاپ-27   تاوان  ءُ  زیان   فنڈ  ءِ برجائی ءُ ایشرا  چلائینگ  ءِ تاریخی   پیسلہ  ءِ گوما    گڈ  کنگ بوتگ۔   کاپ-27   ءَ  بگر  تاں  6  ءَ چہ  20  نومبر   ءَ تاں   مزن تکی   ءُ    ھندی  مراگش،  ارزشتی ایں سول ءُ تران،   ءُ پریس  کافنرنس  آنی  بست ءُ بند کنگ بوت۔  کانفرنس  ءَ  100  ءَ چہ   گیش  حکومت آنی  سروک   ءُ   35000  ءَ چہ  گیش   باسک شریک  بوتگ انت  وھدیکہ  اے ساھت  ءَ  جتا جتائیں  پویلینز  آنی  بست ءُ بند   ءُ برجائی  کنگ بوتگ  ایشانی تہءَ سرجمیں  دگنیا ءَ   جتا جتائیں شوبگ آنی  تہ ءَ   موسمی  کاروائی  آنی نماش   کنگ بوت۔