اسلام آباد۔ 04 مئی (اے پی پی) وزیرخارجہ بلاول بھٹو زرداری اومیت ظاہر کرینے کہ شنگھائی کمکار تنظیم (ایس سی او ) نا وزراء خارجہ نا کونسل نا دیوان سرسہب مریک۔ وزیرخارجہ پنچ شنبے نادے آ ایس سی او دیوان اٹی بشخ ہلنگ کن گواغا سرمننگ آ تینا بیان اٹی پارے کہ شنگھائی کمکار تنظیم نا دیوان اٹی بشخ ہلنگ و پاکستانی ڈل انا کماشی ءِ کننگ کنکن خوشی نا سوب ءِ۔ ای اومیت کیوہ کہ ایس سی او نا وزراء خارجہ نا کونسل نا دیوان بھاز سرسہب مریک۔ داہیت ذکرانا قابل ءِ کہ وزیرخارجہ بلاول بھٹو زرداری ءِ دیوان اٹی بشخ ہلنگ نا سلہ ءِ ایس سی او نا وزراء خارجہ کونسل نا ساڑی آ سروک بھارتی وزیرخارجہ خلکنے۔
