اسلام آباد۔ 22مئی (اے پی پی) بلوچستان حکومت مرمر انگا علاقہ غاتا خلقت ئِ مواصلات نا پوسکن آ آسراتی تا فراوانی کن غٹ تر دوئی وسیلہ غاتے کاریم اٹ اتنگ ئِ۔ صوبائی شعبہ مواصلات نا محکمہ نا عہدیدار ریڈیو پاکستان تون ہیت وگپ کرسا پارے کہ صوبائی حکومت خلقت ئِ مواصلات نا پوسکن ئُ آسراتی فراوان کننگ کن کوشست کننگ ئِ۔ داڈٹ انا رداٹ 470 ملین روپئی نا خڑچ آن قلعہ سیف اللہ ٹی 88کلومیٹر مریس روڈ اس جوڑ جاڑ کننگ انگ ئِ وخت اس کہ شیرانی نا علاقہ ٹی 51کلومیٹر روڈ اس جوڑ جاڑ کننگ انگ ئِ ہراڑآ 449 ملین روپئی نا خڑچ بریک۔ صوبائی شعبہ مواصلات نا محکمہ نا عہدیدار نا مستی پاننگ ئس کہ جھل مگسی نا علاقہ ٹی 43کلومیٹر مریس روڈ انا جوڑجاڑ ئِ پورو کننگانے ہراڑآ 280ملین روپئی خڑچ بسنے۔
