اسلام آباد۔ 04 مئی (اے پی پی) ڈپٹی اسپیکر قومی اسمبلی زاہد اکرم درانی سپریم کورٹ انا جج جسٹس مظاہر حسین نقوی نا جائیداد و کٹیا نا ذریعہ نا جاست وپاست کن باندات ءِ پبلک اکاؤنٹس کمیٹی نا حوالہ کرے۔ بنجائی وزیر اقتصادی امور سردار ایاز صادق پنچ شنبے نادے آ قومی اسمبلی ٹی اعتراضی ٹک آ پارے کہ بارکونسل ہم فاضل جج انا برخلاف کارروائی نا درخواست کرینے۔ فاضل جج صاحب تینا جائیداد و کٹیا نا سرجم آتے بایدے پائے تانکہ اوڑا کس اس ہور ہرفنگ کپ۔ داباندات ءِ پی اے سی ٹی گدریفنگے و اوڑتون پارت جاری کننگے تو دا باندات نا 15 دے اٹی ایف بی آر آن جاست وپاست و آڈیٹر جنرل آن آڈٹ ءِ کرفنگے۔ ڈپٹی اسپیکر قاعدہ 199 نا رداٹ دا باندات ءِ پبلک اکاؤنٹس کمیٹی نا حوالہ کرے۔
