اسلام آباد۔ 04 مئی (اے پی پی) مولانا عبدالاکبر چترالی پارینے کہ مچ آ ملک اٹی ڈیجیٹل مردم شماری برجاءِ ولے کراچی کون آ شار اٹی مردم شماری ہمووڑ مفننگ ءِ، جماعت اسلامی مردم شماری نا بابت سہی برانز کننگ ءِ۔ پنچ شنبے نادے آ قومی اسمبلی ٹی چکاری نوٹس آ مولانا عبدالاکبر چترالی پارے کہ حکومت آن خواست کیوہ کہ او کراچی ٹی ڈیجیٹل مردم شماری سہی وڑاٹ مفننگ ءِ ، کراچی ٹی غٹ صوبہ غاتا مخلوق رہینگک ، کراچی اسہ بھاز بھلو شار اسے ملک ءِ غٹ آن زیات ریونیو یکجا کیک۔ اوپارے کہ جماعت اسلامی حکومت آن خواست کیک کہ او کراچی ٹی ڈیجیٹل مردم شماری نا بابت شک و شبہ غاتے مرکے و ہموڑے سہی وڑاٹ مردم شماری کرفے ۔ آغا رفیع اللہ و صابر حسین قائم خانی ئسک پاریر کہ کراچی ٹی ڈیجیٹل مردم شماری و دومیسائل نا بابت بھلو غا واسے اوفتے مر کننگے و گیس میٹرآتا کِرانا مد اٹی ودکی ءِ پدی ہلنگے۔
