ریاض ۔ 21 مئی (اے پی پی) مزن وزیر نواز شریف ئَ را اولی امریکہ عرب اسلامی سربراہی کانفرنس ئَ بھر زوری ئِ ھاترا شاہ عبدالعزیز کانفرنس ئَ سینٹر ئَ سر بوت گڈا آھودا آرا وسعودی عرب ئِ فرمان روا ئُُ خادم الحرمین الشریفین شاہ سلمان بن عبدالعزیز ئَ وش اتک کُت۔ مزن وزیر شاہ سلامان بن عبدالعزیز السعود ئِ دعوت ئِ پد ئَ اے دیوان ئَ بھر زوری کنگ ئَ اِنت۔ مشیر ئِ درئی کار سرتاج عزیز ئُُ فرسٹ لیڈی کلثوم نواز ھم آئی ئِ ھمبراہ اِنت۔ امریکہ عرب اسلامی کانفرنس ئَ سعودی کانفرنس ئَ سعودی عرب ئِ فرمانروا شاہ سلمان بن عبدالعزیز ئُُ امریکہ ئِ صدر ڈونلڈ ٹرمپ ئَ ابید آ 55ملک آنی ئُُ حکومت آنی سروک اے دیوان ئِ تہ ئَ دعوت دیگ بوتگ اَنت۔ ریاض ئَ بوھوکیں اے کانفرنس ئِ وسیلگ ئَ ناشرکاری ئَ را ھاسیں نیک راھی، دود ئُُ ربیدگ ئُُ تہزیب ئَ گوں بندوک کنگ ئِ لیکہ ئَ را ھلاس کنگ بہ بیت۔ کانفرنس ئَ گوں گشتانک دیان ئَ مزن وزیر محمد نواز شریف اسلام ئِ ایمنی ، سگ ئُُ یکوئی ئِ کلوہ ئَ سہرا کنت۔ مزن وزیر کانفرنس ئَ گشتانک دیان ئَ پڑ ئَ ناشرکاری ئِ ھوپ ئَ را شکست دیگ ئِ ھاترا پاکستان ئِ کربانی ئُُ برورد آنی سر ئَ دلگوشی دنت۔ وتی تر ئُُ تاب ئِ ساھت ئَ مزن وزیر ئِ ھلاپ ئَ میاں اوستمانی بُنجاھ ئِ بنگیجی مراگش ئَ بھر زوری کنت ایش ناشرکای ئِ ھلاسی ئِ ھاترا سعودی عرب ئِ حکومت ئِ ارزشتی ایں گام اِت۔
