اسلام آباد۔ 03 مئی (اے پی پی) وزیراعظم محمد شہباز شریف صحافت نا جہانی دے انا وخت آ مچ آ دنیا نا صحافی تے خراج تحسین پیش کرسا پارینے کہ ہرا چاگڑد اٹی او کاریم کیرہ او گیشتر چیلنج و خطرہ غاتیان پُرمریک، صحافت نا ’’واچ ڈاگ‘‘ کڑد جمہوریت و شفاف حکمرانی ٹی کمک کرینے۔ صحافت نا جہانی دے انا وخت آ تینا ٹویٹ اٹی وزیراعظم پارے کہ آجوئی صحافت نا جہانی دے انا وخت آ مچ آ دنیا نا صحافی تے پبی خراج تحسین پیش کیوہ۔ خاص وڑاٹ پاکستان نا صحافی تے الس ءِ آگاہی و تعلیم تننگ نا قابل تعریف کاریم آ خراج تحسین پیش کینہ۔ اوپارے کہ ہرا چاگڑد اٹ او کاریم کیرہ او گیشتر چیلنج و خطرہ غاتیان پُرمریک ولے اوکان پد ہم او فک تینا زمواری تے پورو کننگ ءِ برجاتخرہ۔ وزیراعظم پارے کہ صحافت نا واچ ڈاگ کڑد جمہوریت و شفاف حکمرانی نا نظریہ غاتا مون آ دننگ اٹ کمک کرینے۔
