اسلام آباد۔ 03 مئی (اے پی پی) وزیراعظم محمد شہباز شریف پارینے کہ پاکستان و برطانیہ نا نیام اٹ تعلقداری اسیجائی تاریخ اٹ گنڈوک ءِ و ہڑتوم آ ملک آتا نیام اٹ کثیر الجہتی رابطہ کہی دہائی تیٹی پین سوگو مسنے۔ چارشنبے نادے آ کوکنگ چارلس تھری نا تاج پوشی نا دود اٹی بشخ ہلنگ کن برطانیہ غا روانہ مننگ آن مست تینا ٹویٹ اٹی وزیراعظم شہباز شریف پارے کہ پاکستان و برطانیہ نا نیام اٹ تعلقداری اسیجائی تاریخ اٹ پیوست ءِ و ہڑتوم آ ملک آتا نیام اٹ کثیر الجہتی رابطہ کہی دہائی تیٹی پین سوگومسنے۔ وزیراعظم پارے کہ برطانوی شاہی خاہوت مدام پاکستان نا عظیم دوست رہینگانے۔ کنگ چارلس تھری نا تاج پوشی نا دوداٹی بشخ ہلنگ آن بیدس ای دولت مشترکہ راہشون تا کانفرنس اٹی ہم بشخ ہلیوہ۔ داوخت آ جہانی راہشون آتون ہڑتوم آ کنڈآتا گپ وتران و و خیال آتا درشانی نا ہم موقع دُوبریک۔
