اسلام آباد۔ 03 مئی (اے پی پی) بنجائی وزیر خزانہ سینیٹر محمد اسحاق ڈار تون چارشنبے نادے آ امریکی سفارت خانہ نا ناظم الامور اینڈ ریوشوفر فنانس ڈویژن اٹی اوڑدہی کرے۔ اینڈ ریوشوفر پاکستان و امریکہ تون اقتصادی و واپاری بشخ آتیٹی ہڑتوم آ کنڈآتا تعلقداری آ گپ وتران کرے۔ وزیرخزانہ اودے ملکی زرگزران آن معلومدار کرے و ملک ءِ مون تروک ساڑی آ چیلنج آتیا گپ وتران کرے۔ اوزرگزران …
بنجائی وزیر خزانہ سینیٹر محمد اسحاق ڈار تون امریکی سفارت خانہ نا ناظم الامور اینڈ ریوشوفر نا فنانس ڈویژن اٹی اوڑدہی
اسلام آباد۔ 03 مئی (اے پی پی) بنجائی وزیر خزانہ سینیٹر محمد اسحاق ڈار تون چارشنبے نادے آ امریکی سفارت خانہ نا ناظم الامور اینڈ ریوشوفر فنانس ڈویژن اٹی اوڑدہی کرے۔ اینڈ ریوشوفر پاکستان و امریکہ تون اقتصادی و واپاری بشخ آتیٹی ہڑتوم آ کنڈآتا تعلقداری آ گپ وتران کرے۔ وزیرخزانہ اودے ملکی زرگزران آن معلومدار کرے و ملک ءِ مون تروک ساڑی آ چیلنج آتیا گپ وتران کرے۔ اوزرگزران ءِ سوگو کننگ و پائیدار جامع شونداری ءِ پک کرسا زرگزرانءِ بڑزکو کہول آ دننگ نا مسخت اتون حکومت نا کنڈآن ساڑی ہی ٹی ہلوک آ مشکل پالیسی فیصلہ غاتا بارواٹی پارے۔ وزیرخزانہ امریکی ناظم الامور ءِ آئی ایم ایف نا برجا پروگرام نا بارواٹی ہم معلومدار کرے و اودے باوری کرفے کہ حکومت دا پروگرام ءِ پورو کننگ کن سنبرینگوک ءِ۔ اینڈ ریو شوفر ملک انا زرگزرانی سوگوی کن حکومت پاکستان نا پالیسی و پروگرام تیا تینا پت انا درشانی ءِ کرےو ہڑتوم آ ملک آتا نیام اٹ ساڑی آ اقتصادی و واپاری تعلقداری تے مون آ دننگ کن تینا مخ تفی نا درشانی ءِ کرے۔ وزیرخزانہ سینیٹر اسحاق ڈار امریکی ناظم الامور نا منت واری ءِ ہرفے و امریکہ تون ہڑتوم آ کنڈآتا واپار و زرکاری نا تعلقداری تے پین ودفنگ نا حکومت نا است خواہی نا درشانی ءِ کرے۔
