اسلام آباد۔ 03 مئی (اے پی پی) بنجائی وزیر ڈٹ بندی و شونداری پروفیسر احسن اقبال پارینے کہ ملک اٹی وسیلہ غاتا بریبر بشخنگ ءِ پک کننگ اولیت ءِ ، پائیدار و سوگو شونداری ناسیبو ہربندغ، تپہ و علاقہ اسکان شونداری نا بھرم تے فراوان کننگ آٹی ءِ۔داخیال آتا درشانی ءِ او چارشنبے نادے آ تینا کماشی ٹی پسماندہ ضلع غاتیٹی شونداری ڈٹ آتیا دیوان اٹی کرے۔ بنجائی وزیر پارے کہ پائیدار و سوگو شونداری نا سیبو ہر بندغ، تپہ و علاقہ اسکان شونداری نابھرم تے فراوان کننگ آٹی ءِ۔ 20 پدتموک آ ضلع غاتیٹی شونداری کن پیکج اس تیار کننگا ہراٹی 50 درسد بنجائی حکومت و 50 درسد صوبائی حکومت آک تینا بشخ ءِ شاغرہ۔ اوپارے کہ بلوچستان نا 11، سندھ انا5، کے پی کے 3 و پنجاب نا اسہ ضلع اس اوار ءِ۔ پسماندہ انگا ضلع غاتا سروے ءِ کننگ انگ ءِ تانکہ اہم آ گرج آتا تعینءِ کننگے۔ بنجائی وزیر پارے کہ 7-5سال آتیٹی دا ضلع غاتے ایلو ضلع غاتا ہم پلہ کننگ خوانہ، تعلیم ، جان جوڑی ، رابطہ، کشت وکشار، صنعت ، روزگار نا آسراتی تا جاچ ءِ ہلنگک۔ ملک اٹی وسیلہ غاتا بریبر بشخنگ ءِ پک کننگ اولیت ءِ۔
