اسلام آباد۔ 03 مئی (اے پی پی) بنجائی وزیر مذہبی امور سینیٹر طلحٰہ محمود نا کماشی ٹی چارشنبےنادے آ وزارت مذہبی امور اٹی حج بست وبند و کمکارآتا تربیت نا بابت دیوان اس مس۔ داوخت آ وزیر مذہبی امور پارے کہ جدہ و مدینہ بالی پٹ آتیا پاکستانی عازمین تیکن بیابخیری ڈیسک اس جوڑمریک، شعبہ گمشدگی و بازیابی، راہشون و غاو سیل جوڑ کننگک، ہنکین خور و سفری آسراتی، نجی حج اسکیم نامانیٹرنگ نا شعبہ جوڑ کننگک۔ اوپارے کہ مکہ و مدینہ ٹی مرکزی ہسپتال تون اوار 14 ڈسپنسری جوڑ کننگک، حج میڈیکل مشن 500 تجربہ کار بندغ آتیا تالان ءِ، حج میڈیکل مشن اٹی آرمی و سول ڈاکٹر و پیرامیڈیکل اسٹاف اوار ءِ ، میڈیکل مشن اٹی 180 ڈاکٹر و 320 پیرامیڈیکل اسٹاف اوار ءُ۔ بنجائی وزیر پارے کہ کمکار حج بنجائی و صوبائی سول سیکرٹریٹ ملازم، رینجرز، پولیس، 1122 آ تالان ءِ، مفت دوائی، ایکسرا، لیبارٹری، پاکستانی طبی عملہ 24 گھنٹہ دستیاب مریک، حج 2023 کن کمکار آتا تربیت نا بناءِ کننگانے۔ بنجائی وزیر مذہبی امور پارے کہ کمکار آتا تربیت و مشق آتا بست وبند ءِ حاجی کیمپ اسلام آباد اٹی کننگانے، مچ آملک آن 550 گچین کمکارحج آتے گچین کننگانے، وزارت نا 220 بندغ آتیا تالان عملہ و آفیسر آک ہم عازمین تا کمک ءِ کیرہ۔ داوخت آ ڈائریکٹر کمکار سجاد یلدرم پارےکہ عازمین حج انا آسراتی کن ہروڑنا آسراتی و راہشونی فراوان کینہ، کمکار آتے سعودی کانود نا بارواٹی معلومدار کننگ انگ ءِ ، خدام ءِ موسم و سفری سختی تتون مون تننگ نا تربیت تننگ انگ ءِ۔
