کوئٹہ۔ 03 مئی (اے پی پی) وزیراعلیٰ بلوچستان میر عبدالقدوس بزنجو پنی آ کانود دان ہادی شکیل نا کزیت آ ڈکھیائی و است ہسونی نا درشانی ءِ کرسا پارینے کہ ایماندار کانود نا بشخ اٹی اسہ جتا ءُ ہند اس تخاکہ۔ ہادی شکیل ایڈووکیٹ بنچ و بار انا نیام اٹ بریبر و سوگو تعلقداری تا نشانی تکنگاکہ، ایماندار بار انا سیاست ءِ اسہ پوسکن ءُ جہت اس ترسا وکلابرادری نا راجی آسودہی کن پبی جہد کرے۔ میر عبدالقدوس بزنجو مستی پارے کہ ایڈووکیٹ ہادی شکیل نا کزیت آن بلوچستان نا شعبہ کانود اٹی ودی مروک آ خلا ءِ سال تے اٹ محسوس کننگک، اونا کزیت اسہ بھلو نسخان اسے۔ دعا ءِ کہ اللہ تعالیٰ ایماندار نا بخشش و پدسلوک آخاہوت ءِ صبر وجمیل عطاکے۔
