اسلام آباد۔ 02 مئی (اے پی پی) بنجائی وزیر جان جوڑی عبدالقادر پٹیل پارینے کہ منکی پاکس نا پاکستان اٹی داتم اسکان اسہ کیس اس رپورٹ مسنے ہرانا زہمی بندغ دراخ جوڑ مسنے، شکببر کیس آتا 22 سیمپل گدریفیسر ہراغٹ نیگٹیو پیش تمانو، منکی پاکس نا پاکستان اٹی داسہ ہچ ءُ کیس اس اف۔ سے شنبے نا دے آ وزارت جا ن جوڑی آن جاری بیان نا رداٹ بنجائی وزیر پارے کہ منکی پاکس نا مریض پمز ہسپتال اٹی زیر علاج ئسک، الحمداللہ مریض ءِ گچین طبی آسراتی فراوان کننگا و اوداسہ دراخ جوڑ مسنے۔ عبدالقادر پٹیل پارے کہ ہسپتال نا عملہ ءِ خراج تحسین پیش کیوہ کہ او گچین گام گیج کرے۔ حکومت الس ءِ ناجوڑی تیان رکھ کننگ کن غٹ تر المی گام گیج آتے پک کننگ اٹی ءِ۔ ننا غٹ ادارہ غاک ہروڑنا دین و ناجوڑی تتون مون تننگ کن ہروخت تیار ءُ۔ بنجائی وزیر پارے کہ منکی پاکس نا بابت غٹ بالی پٹ و ہنوک و بروک کسر آتیا ہیلتھ ریگولیشنز نا سلاہ و سوج آتیا عملدرآمد ءِ پک کرینن، حالیت آک پورو کنٹرول اٹی ءُ۔ منکی پاکس تون مون تننگ کن سوگو حکمت عملی اس جوڑ کرینن۔
