پاکستان ءِ تینا چاگڑدی ہدف آتے پورو کننگ کن المی کلائمیٹ فنڈآتا دوئی کننگ اٹ چیلنج مون تروک ءِ، سینیٹر شیری رحمان

اسلام آباد۔ 02 مئی (اے پی پی) بنجائی وزیر چاگڑدی بدلی سینیٹر شیری رحمان پارینے کہ پاکستان کون آ پدتموک ملک آتے تینا چاگڑدی ہدف آتے پورو کننگ کن المی کلائمیٹ فنڈ آتا دوئی کننگ اٹ چیلنج مون تروک  ءِ، جہانی برادری جہانی مالیاتی نظام نا اول سرآن تنظیم کرسا پدتموک ملک آتیکن کلائمیٹ فنڈ ءِ پین رسینگ نا قابل جوڑ کیر۔ جرمنی ٹی مروک آ پیٹرزبرگ کلائمیٹ ڈائیلاگ نا دود آن تران کرسا اوشیری رحمان پارے کہ یونائیٹڈ نیشنز فریم ورک کنونشن آن کلائمیٹ چینج نا قائمہ کمیٹی خزانہ نا رداٹ 78 پدتموک ملک آتے پیرس معاہدہ نا رداٹ تینا مالی گرج آتے پورو کننگ کن 2030 اسکان 6 ٹریلین ڈالر نا گرج ءِ۔ اوپارے کہ شون ہلوک ملک آتے 2022اٹی 52 درسد کلائمیٹ فنانس وخت اس کہ پدتموک ملک آتے بیرہ 48 درسد وصول مس حالانکہ دنیا نا 80 درسد آبادی نا تعلق دا پدتموک ملک آتیان ءِ۔ بنجائی وزیر پارے کہ دا گڑتی نا ہیت اسے کہ پدتموک ملک آک بشمول پاکستان نا جہانی چاگڑدی فنانس اسکان محدود رسینگ ءِ، پاکستان ءِ چاگڑدی بدلی نا چیلنج آتون مون تننگ کن 2030 اسکان 348 بلین ڈالر نا گرج ءِ ہرا ننا جم جی ڈی پی نا 10.7 درسد ءِ،   ننکن جہانی کلائمیٹ فائنانس موافقت و تخفیف کن اہم ءِ۔ شیری رحمان پارے کہ پدتموک آ ملک آتے تینا چاگڑد نا ہدف آتے پورو کننگ کن فنڈ اسکان رسینگ درکار ءِ، داڑتون اوار اوار کلائمیٹ فنانس نا بشخنگ و کاریم اٹ اتنگ اٹ شفافیت و جوابدہی ہم المی ءِ۔ اوپارے کہ جہانی مالیاتی پنجر ءِ اول سرآن ٹہیفنگے تانکہ پدتموک ملک آتیکن کلائمیٹ فنانس ءِ قابل رسینگ جوڑ کننگ مرے۔