سپریم کورٹ پریکٹس اینڈ پروسیجر بل آ آخیریکو فیصلہ عدالت عظمیٰ نا ہی مریک، فاروق ایچ نائیک

اسلام آباد۔ 02 مئی (اے پی پی) مسکوہی چیئرمین سینیٹ و سینئرکانود دان فاروق ایچ نائیک پارینے کہ سپریم کورٹ پریٹکس و پروسیجر بل ءِ سپریم کورٹ کانود جوڑ مننگ آن مست ہی معطل کرینے ، کس اسے داڑا اعتراض ئس تو او آئین نا آرٹیکل 199 نا رداٹ چیلنج کروسس ، اگہ مسہ باسکی بنچ فیصلہ کرینے تو اوڑا 5باسکی یا فل کورٹ بنچ اٹی اپیل یانظرثانی نا حق تننگاکہ، آخیریکوفیصلہ سپریم کورٹ انا ہی مریک۔ سے شنبے نادے آ سپریم کورٹ نا پیشن میڈیا تون گپ وتران کرسا اوپارے کہ سپریم کورٹ بل ءِ ایکٹ جوڑ مننگ آن مست معطل کرینے ولے دُوارہ پارلیمنٹ نا اسیجائی دیوان اٹی اونا منظوری ءِ ہلنگا ہراڑان دا ایکٹ جوڑ مس۔ اوپارے کہ اگہ ایکٹ اس جوڑ مریک و اوڑا کس اسے اعتراض مریک تو اودے آئین نا آرٹیکل 199 نا رداٹ چیلنج کیک و پیدوار کیک کہ دا بل انا فلاں فلاں شق آک الس نا گیشتر فائدہ غاتا برخلاف ءُ و اگہ داوڑ مفک تو دا باندات آئین نا آرٹیکل 184 نا دنگ اٹ بفک۔ اوپارے کہ داسہ وخت اس کہ سپریم کورٹ دا کیس انا سماعت ءِ کننگ ءِ تو داسہ داٹی پیشی مریک و آخیریکو فیصلہ سپریم کورٹ انا ہی مریک۔ اسہ سوج اسے نا ورندی ٹی فاروق ایچ نائیک پارے کہ وڑوڈول تو دامروسس کہ اگہ مسہ باسکی بنچ فیصلہ کرینے تو داڑان 5 باسکی یا فل کورٹ، لارجر بنچ اٹی اپیل یا ولدا نظرثانی نا اپیل نا حق تننگاکہ۔ داسہ ہرنہ کہ سپریم کورٹ انا انت فیصلہ اس بریک۔