پارلیمان تینا آئینی حق انا رکھ و دفاع نا پبی حق تخک، تینا آئینی واکدار ی تا رکھ اکن آخیریکو حد اسکان کاہک، مریم اورنگزیب

اسلام آباد۔ 02مئی (اے پی پی) بنجائی وزیر حوالکاری وشینکاری مریم اورنگزیب پارینے کہ کانود سازی آن شفافیت و منصفانہ نظام اس تننگانے، پارلیمنٹ تینا آئینی واکداری تا رکھ اکن آخیریکو حد اسکان کاہک، پارلیمان تینا آئینی حق انا رکھ و دفاع نا پبی حق تخک۔ سے شنبے نادے آ تینا بیان اٹی اوپارے کہ پارلیمان نا کانود سازی نا آئینی اختیار ءِ کس اس پُلنگ کپک، عدلیہ نا اختیار آئین و کانود نا تشریح کننگ ءِ، آئین’ری رائٹ‘‘ کننگ یا کانود سازی نا اختیار آ پابندی خلنگ عدلیہ نا اختیار اف۔ اوپارے کہ پارلیمان وکلابرادری، بارکونسل و ایسوسی ایشن تا متکن آ خواست آ کانودسازی کرے، آرٹیکل (3)184نا بابت کانود سازی آن عدلیہ نا اختیار، آجوئی و وتواجہی ٹی ہچ ءُ کمتی اس کننگتنے۔ دا کانود سازی آن ’’ون۔مین۔شو‘‘ و ’’امپیریل۔کورٹ‘‘ کون آ اعتراض آتے چٹفنگا۔ سپریم کورٹ نا مسہ سینئر موسٹ  جج سلابت اٹ دااختیار ءِ کاریم اٹ اتیرہ۔