حاجی تا خذمت اٹی لاپرواہی و ڈیوالئی ءِ سگپنہ، وزیر مذہبی امور

اسلام آباد۔ 02 مئی (اے پی پی) وزیر مذہبی امور سینیٹر محمد طلحٰہ محمود پارینے کہ سعودی عرب اٹی حج آپریشن اٹی غٹ کمکارآتا چاروکی  ءِ کننگک، حاجی تا خذمت اٹی ڈیوالئی و لاپرواہی ءِ سگپنہ۔ سے شنبے نادے آ داڑے اسپورٹس کمپلیکس اٹی حج کمکارآتا ٹریننگ سیشن آن تران کرسا اوپارے کہ کمکارآک حج اٹی عازمین تا پورو گرج آتا خیال ءِ تخرہ و اوفتے پورو راہشونی فراوان کیرہ۔ غٹ کمکارآتے مرے کہ او جوزہ ایمانی آن سرشار مرسا تینا فرض ءِ سرایتر۔ اوپارے کہ او حج آپریشن اٹی حج  مقد س اٹی ساڑی مریک و او کمکارآتاخذمت آتون اوار مچ آ حج آپریشن نا چاروکی  ءِ کیک و دا چرجوئی ٹی ڈیوالئی و لاپرواہی ءِ سگنگ پننگک۔ اوپارے کہ حج بست وبند آتے گڈیکو دروشم اس تننگ کن دے و نن خواری کننگ انگ ءِ۔ ننا است خواہی ءِ کہ حج آ ہنوک آتا آسانی کن غٹ تر وسیلہ غاتے کاریم اٹ اتنگے۔ دا چرجوئی ٹی غٹ ایئر لائنز و سعودی کمامدارآتون غٹ اتون رابطہ ٹی اُن۔ حج بست وبند آتے زوت آن زوت پورو کرسا حج آ ہنوک آتے وخت آ حج مقدس آ روانہ کننگک۔ او میڈیا غان خواست کرے کہ او بے بنداو خبرآتیان پاناد کے۔ اودعا کرے کہ اللہ تعالیٰ ننے دا فرض اتون جوان وڑاٹ مون تننگ عطاکے۔