کوئٹہ۔ 01 مئی (اے پی پی) وزیراعلیٰ بلوچستان میر عبدالقدوس بزنجو نا مزور آتا جہانی دے آ کلہو اٹی پارے کہ اینو نادے 1886 نا شکاگو نا شہید آتا کوشست و جہد ءِ خراج عقیدت پیش کننگ و مزور آتیکن حق انا توار بڑز کننگ ءِ، وزیراعلیٰ بلوچستان پارے کہ مزور آک ہر راج و ملک انا جم زرگزرانی و اقتصادی شونداری ٹی اہم ءُ حیثیت اس تخرہ، ہرا ملک آک صنعت نا پڑاٹی شون ہلکر اوفتا دا شونداری ٹی اوفتا مزور آتا تعمیری کڑد ءِ یقینا گوجالنگ مفک۔ اوپارے کہ ننے ہم کسبکار ہیومن ریسورس و پبی افرادی قوت شونداری نا کنڈآ دیک، ہرامزور فنی مہارت آن آشنامریک او راج انا شونداری و شونہالی نا جزو لازم جوڑ مریک صوبائی حکومت مزور آتا حق انا ادائیگی ٹی کوشست کننگ ءِ، خواری کش آتا استحصال کروک آتے کانود نا رداٹ سزاایتنہ، غٹ خواری کش آتیکن اسہ وڑ وارخواہی و گرج آتا فراوانی ءِ پک کننگ انگ ءِ، رنگ و نسل ءِ بنداو جوڑ کرسا پرخ انا موکل تفننگک، حکومت تکنیکی تعلیم نا اہمیت آن ہم بلد ءِ، مچ آ صوبہ نا پولی ٹیکنیک ادارہ غاتے پوسکن آ وڑتتون ہم گرنچ کننگ انگ ءِ۔
