اسلام آباد۔ 01 مئی (اے پی پی) وزیر مملکت خارجہ امور حنا ربانی کھر نا دارالحکومت دوحہ ٹی اقوام متحدہ نا کنڈآن اوغانستان نا بارواٹی اڈ ہلوک آ خصوصی ایلچی تا اِرادے ئی دیوان اٹی بشخ ہلنگ ءِ، او دیوان اٹی بشخ ہلنگ آن بیدس ایلو ملک آتا راہشون آتون ہڑتوم آ کنڈآتا اوڑدہی ہم کیک۔ دفترخارجہ غان جاری بیان نا رداٹ اقوام متحدہ نا سیکرٹری جنرل انتونیوگوتریش نا کماشی ٹی مروک آ دا دیوان اٹی علاقائی و جہانی ملک اوغانستان نا ساڑی حالیت آتے تعمیری گپ وتران نا رداٹ شرہ ٹی اتیرہ۔ وزیر مملکت خارجہ امور اوغانستان نا بابت پاکستان نا نقطہ نظر ءِ پیش کیک و جہانی و علاقائی شریدار آتون مون آ ہِننگ نا کسر نا بابت امنائی سلاہ ودی کننگ نا باراوٹی کاریم کیک۔ترجمان پارے کہ پاکستان اسہ پرامن، سوگو، وتواجہ ، شونہال و منسلک اوغانستان نا اسیجائی مسخت آتے مون آ دننگ کن غٹ کوشست آتا مخ تفی ءِ برجاتخک۔
