خواری کش آتا حق ءِ پورو کننگ و مخلوق ءِ نظام اٹ حصہ دار کننگ جہانی زرگزران کن اسہ بنداوی ءُ چیلنج اسے، وزیراعظم محمد شہباز شریف

اسلام آباد۔ 01 مئی (اے پی پی) وزیراعظم محمد شہباز شریف پارینے کہ خواری کش آتا حق ءِ پورو کننگ و مخلوق ءِ نظام اٹی حصہ دار جوڑ کننگ جہانی زرگزران کن اسہ بنداوی ءُ چیلنج اسے۔ دوشنبے نادے آ خواری کش آتا جہانی دے انا وخت آ تینا ٹویٹ اٹی وزیراعظم پارے کہ اینو ہراڑے نن خواری کش تپہ ءِ زبردست خوارج تحسین پیش کینہ و اوفتا شریداری نا جشن کینہ تو ہموڑے حقیقت دادے کہ جہانی منڈی تیٹی شیف بڑزی خواری کش آتا زرگزرانی مشکل آتیٹی بھاز ودکی کرینے۔ وزیراعظم پارے کہ اجناس نا نہاد آتیٹی ودکی نا سوب آن خواری کش مخلوق تینے بھاز دباؤ ٹی محسوس کیک۔ اوپارے کہ شونداری نا ہمو ماڑی ہرا خواری نا بنداو آ سلوک ءِ اگہ اونا تفنگ اٹ بنداوی کڑد ادا کروک آتے اونا بھرم آتیان محروم تخنگے تو او پِننگ نا گواچی مریک۔ وزیراعظم پارے کہ خواری کش آتا حق ءِ پورو کننگ و مخلوق ءِ نظام اٹی حصہ دار جوڑ کننگ جہانی زرگزران کن اسہ بنداوی ءُ چیلنج اسے۔