وزیراعظم شہباز شریف مئی نا اولیکو ہفتہ ٹی برطانیہ نا دورہ ءِ کیک، 6 مئی آ بادشاہ نا تاجپوشی نا دود اٹی بشخ ہلیک، ترجمان دفترخارجہ

اسلام آباد۔ 28 اپریل (اے پی پی) وزیراعظم محمد شہباز شریف برطانیہ نا بادشاہ چارلس IIIو ملکی کنسورٹ کیمیلا ناتاجپوشی نا دود اٹی بشخ ہلنگ کن مئی نا اولیکو ہفتہ ٹی برطانیہ نا دورہ ءِ کیک، وزیراعظم 6 مئی آ برطانوی شاہ نا تاجپوشی نا دود اٹی بشخ ہلیک۔ جمعہ نادے آ دفترخارجہ نا ترجمان ممتاز زہرہ بلوچ پریس حوال اٹی پارے کہ وزیراعظم 5 مئی آ لندن اٹی دولت مشترکہ نا راہشون تیکن اڈ ہلوک آ دود اٹی بشخ ہلیک۔ ترجمان پارے کہ اومیت ءِ کہ وزیراعظم محمد شہباز شریف دا دود آتیٹی شریک راہشون تتون ہڑتوم آ کنڈآتا اوڑدہی ہم کیک۔ ترجمان پارے کہ پاکستان و برطانیہ نا تعلقداری نا اسہ مرغن  ءُ تاریخ اسے ہرا متحرک پاکستانی۔ برطانوی کمیونٹی ٹی سوگوی اٹ گنڈوک ءِ۔ اوپارے کہ نن برطانوی بادشاہ و شاہی خاہوت ءِ پاکستان و اونا الس نا سنگت نا ڑاٹ ہرنہ و پاکستان و برطانیہ نا نیام اٹ تعلقداری تے پین سوگو کننگ نا چاری اُن۔