اسلام آباد۔ 28 اپریل (اے پی پی) قومی اسمبلی ءِ پاننگانے کہ حکومت ملک اٹی شرح خواندگی نا گچینی کن اولیتی بنداو تیا گام گیج کننگ اٹی ءِ و برجاسال 30 جون اسکان اسلام آباد اٹی شرح خواندگی ءِ 100 درسد اسکان دینہ۔ جمعہ نادے آ قومی اسمبلی دیوان اٹی وقفہ سوج آتیٹی اسمبلی نا باسک طاہرہ اورنگزیب، شیخ روحیل اصغر، غوث بخش مہر، شائستہ پرویز ملک و نورعالم خان …
حکومت ملک اٹی خواندگی نا کچ انا گچینی کن اولیتی بنداو تیا گام گیج کننگ اٹی ءِ، بنجائی وزیر تعلیم رانا تنویر حسین
اسلام آباد۔ 28 اپریل (اے پی پی) قومی اسمبلی ءِ پاننگانے کہ حکومت ملک اٹی شرح خواندگی نا گچینی کن اولیتی بنداو تیا گام گیج کننگ اٹی ءِ و برجاسال 30 جون اسکان اسلام آباد اٹی شرح خواندگی ءِ 100 درسد اسکان دینہ۔ جمعہ نادے آ قومی اسمبلی دیوان اٹی وقفہ سوج آتیٹی اسمبلی نا باسک طاہرہ اورنگزیب، شیخ روحیل اصغر، غوث بخش مہر، شائستہ پرویز ملک و نورعالم خان نا سوج انا ورندی ٹی بنجائی وزیر تعلیم رانا تنویر حسین پارے کہ پاکستان تحریک انصاف نا حکومت تدوک آ 4 سال اٹی تعلیم نا بشخ ءِ بھاز بے وڑ زہمی کرے ولے ساڑی حکومت تدوک آ اسہ سال اٹی شرح خواندگی ٹی گچینی کن اولیتی بنداو تیا گام گیج کرینے ہرافتے ٹی ٹیلی سکول،آن لائن، لرنرپروگرام، اسکول آف ویلز تون اوار چندی پروگرام تا بناءِ کننگانے ہرافتیان ملک اٹی لکھ آ چناک فائدہ ہرفرہ۔ اوپارے کہ حکومت مچ آملک اٹی شرح خواندگی ٹی ودکی کن گام گیج کننگ ءِ ولے اسلام آباد اٹی شرح خواندگی ءِ 30 جون 2022 اسکان 100 درسد اسکان دینہ، ہراڑان کم و ود 70 ہزار چناہرااسکول آ ہنپسہ اوفتے تعلیم نا زیور آن آراستہ کننگک۔ شیخ روحیل اصغر نا سوج انا ورندی ٹی بنجائی وزیر پارے کہ اسمبلی ءِ بھاز زوت ایچ ای سی ٹی اسکالرشپ پروگرام نا بابت حوال تننگک و تدوک آ پنچ سال انا پورو ریکارڈ ءِپیش کننگک۔
