سائبر سیکورٹی ملک انا زرگزرانی و دفاعی سلامتی کن اہم انگا بشخ ءِ، احسن اقبال نا دیوان آن تران

اسلام آباد۔ 28 اپریل (اے پی پی) بنجائی وزیر ڈٹ بندی و شونداری پروفیسر احسن اقبال پارینے کہ سائبر سیکورٹی ملک انا زرگزرانی و دفاعی سلامی کن اہم انگا بشخ ءِ، ٹیکنالوجی نا بشخ اٹی تینا لائخی و رفتار ءِ جہانی خواست آتون ہم گرنچ کننگ ءِ۔ داخیال آتا درشانی ءِ او جمعہ نادے آ تینا کماشی ٹی پاکستان اٹی سائبر سیکورٹی ءِ رکھ کننگ نا بابت اڈہلوک دیوان اٹی کرے۔ بنجائی وزیر پارےکہ سائبر سیکورٹی ملک انا زرگزرانی و دفاعی سلامتی کن اہم انگا بشخ ءِ۔ سائبر سیکورٹی نا گچین نظام اس ٹہیفنگ کن ہلہلہ ئی گام گیج کننگے۔ اوپارے کہ نجی بشخ و پیشن نا ملک سائبر سیکورٹی چاہندار آتا لائخی تیان فائدہ ہرفنگے۔ کارپوریٹ سیکٹر، اکیڈمیا و قومی کہول انا چاہندار آتون اواری اٹ سائبر سیکورٹی ءِ مون تروک خطرہ غاتا مقابلہ ءِ کننگے۔ اوپارے کہ ٹیکنالوجی نا بشخ اٹی تینا لائخی و رفتار ءِ جہانی خواست آتون ہم گرنچ کننگ ءِ۔ پوسکن آ چیلنج آتون مون تننگ کن حکومت ٹیکنالوجی نا بشخ اٹی خصوصی پرگرام نا بناءِ کننگ ءِ۔