حکومت رکھ و گچین ویکسین نا فراوانی ءِ پک کننگ کن سنبرینگوک ءِ، بنجائی وزیر جان جوڑی

اسلام آباد۔ 28 اپریل (اے پی پی) بنجائی وزیر جان جوڑی عبدالقادر پٹیل پارینے کہ حکومت رکھ و گچین ویکسین نا فراوانی ءِ پک کننگ کن سنبرینگوک ءِ، ویکسی نیشن ناجوڑی تا برخلاف اسہ رکھ وگچین ءُ وڑاسے۔ جمعہ نادے آ وزارت جان جوڑی آن جاری بیان نا رداٹ بنجائی وزیر پارے کہ وزارت جان جوڑی چناتے ناجوڑی تیان رکھ تخنگ کن عملی گام گیج آتے پک کننگ اٹی ءِ۔ بنجائی وزیر غٹ ولمہ و باوہ غاتیازور شاغا کہ تینا 2 سال آن کم وئی نا چناتے 12 مہلک ناجوڑی تیان بچفنگ نا ٹیکہ ضرور خلفر۔ حکومت رکھی ٹیکہ غاتا کوریج ءِ سد درسد پک کننگ کن سنبرینگوک ءِ ۔ مر مر انگا پسماندہ علاقہ غاتا ویکسی نیشن نا رسینگ اٹ فرنٹ لائن ورکرآتا اہم ءُ کڑ داسے۔ عبدالقادر پٹیل پارےکہ ویکسی نیشن ناجوڑی تا برخلاف اسہ رکھ و گچین ءُ وڑاسے ہراڑان او گچین و دراخ جوڑ زنداس تیر کننگ نا حامل مریرہ۔ اوپارے کہ پولیو اینو ہم بھاز انگا چناتاآخبت کن خطرہ اسے۔ جہانی ہفتہ رکھی ٹیکہ جات اٹی چناتسکان پولیو آن بچفنگ نا رکھی پڑی تا رسینگ ءِ پک کے۔ حکومت الس ءِ ناجوڑی و دین تیان رکھ تخنگ کن غٹ المی گام گیج کننگ اٹی ءِ۔ عبدالقادر پٹیل پارے کہ مچ آ ملک اٹی 24 آن 30 اپریل اسکان جہانی ہفتہ رکھی ٹیکہ جات اڈتننگ انگ ءِ ہرا وزارت جان جوڑی، غٹ صوبہ و ایلو اسٹیک ہولڈر آتا کمک اٹ اڈتننگ انگ ءِ۔