اسلام آباد۔ 21مئی (اے پی پی) وزیر مملکت نیشنل ہیلتھ سروسز ریگولیشن اینڈ کوآرڈی نیشن سائرہ افضل تارڑ پارینے کہ حکومت ہسپتال آتیٹی درمان نا جہانی معیار نا آسراتی تا دستیابی ئِ المی جوڑ کننگ کن چندی گام گیج کرینے۔ یک شنبے نا دے تینا اسہ بیان اسے ٹی اوپارے کہ طبی آسراتی تے پوسکن آ وڑوڈول آتیا استوار کننگ و اوفتے باضابطہ و معیاری جوڑ کننگ کن 20 کروڑ روپئی جتاکننگانے۔ وزیر مملکت پارے کہ طبی لیبارٹری تے ہم پوسکن ئُ ازباب فراوان کننگ انگ ئِ۔ اوپارے کہ طبی ازباب و دوائی تا تیاری نا عمل ئِ باضابطہ جوڑ کننگ نا بیرہ مجاز و درج شدہ دوائی ساز کمپنی تے ملک اٹی کاریم کننگ نا موکل تننگ انگ ئِ۔ سائرہ افضل تارڑ مستی پارے کہ طبی ازباب آتا اندراج و باضابطہ معائنہ ئِ کننگ انگ ئِ و ہرپوسکن آ آلہ نا کاریم اٹ اتنگ کن لیسن نا دوئی پیشگی شرط ئِ۔
