بنجائی وزیر حوالکاری مریم اورنگزیب نا پی اے ایف اصغرخان اکیڈمی رسالپور آن پاس آئوٹ مروک آ کیڈٹ آتے خراج تحسین

اسلام آباد۔ 28 اپریل (اے پی پی) بنجائی وزیر حوالکاری و شینکاری مریم اورنگزیب پی اے ایف اصغرخان اکیڈمی رسالپور آن پاس آئوٹ مروک آ کیڈٹ آتے خراج تحسین پیش کرے۔ جمعہ نادے آ تینا ٹویٹ اٹی بنجائی وزیر حوالکاری پاس آئوٹ مروک آ کیڈٹ آتے خراج تحسین پیش کرسا کیڈٹ آتا پریڈ نا ویڈیو ءِ ہم شیئرکرے و ڈاکٹر علامہ محمد اقبال نا شئیر”یارب!دل مسلم کو وہ زندہ تمنادے۔۔۔۔۔۔۔۔جو قلب کو گرمادے، جو روح کو تڑپادے” اوار نوشتہ کرے۔ بنجائی وزیر حوالکاری تینا ٹویٹ اٹی پاک فضائیہ نا کیڈٹ آتا کنڈآن فضائی مظاہرہ نا ویڈیو ءِ ہم شیئر کرے و علامہ اقبال نا اسہ پین شئیر”تو شاہین ہے پرواز ہے کاریم تیرا۔۔۔۔۔۔۔ترے سامنے آسماں اور بھی ہیں” نوشتہ کرے۔