اسلام آباد۔27اپریل (اے پی پی): مزن وزیر محمد شہباز شریف ءَ گشتگ کہ چین ءِ مزن وزیر لی کیانگ ءِ گوما آئی ءَ دونیمگی دمگی ء ُ میاں اوستمانی کارانی سرءَ ھیال ء ُ لیکہ ءِ درشانی کتگ ء ُ سی پیک ءَ ہوار پاکستان ء ُ چین ءِ ایندگہ منصوبہ سرءَ بوتگیں کارانی چارءُ تپاسی کتگ۔ پنچ شمبے ءِ روچءَ وتی یک ٹویٹ ءِ تہا مزن وزیر ءَ گشتگ کہ آئیءَ چین ءِ مزن وزیر لی کیانگ ءِ گوما ٹیلی فون ءِ سرءَ باز نتیجگی گپ کتگ ء ُ دونیمگی دمگی ء ُ میاں اوستمانی کارانی سرءَ ھیال ء ُ لیکہءِ درشانی کنگ بوتگ۔ مزن وزیر ءَ گشتگ کہ پاکستان ءَ میاں اوستمانی امنء ُ ایمنی ء ُ محکمی ءَ را الم کنگ ءِ ھاترءَ چین ءِ گامگیجاناں ساڑاتگ۔ مزن وزیر ءَ گشتگ کہ ما سی پیک ءَ ہوار پاک چین گامگیجانی سرءَ بوتگیں کارانی ہم چارء ُ تپاسی کتگ۔ ء ُ من ءَ باور اِنت کہ چین جدیدیت ءِ نیمگءَ وتی کاراں برجاہ داریت۔
