اسلام آباد۔27اپریل (اے پی پی): مزن وزیر محمد شہباز شریف ءَ مردم شماری ءِ ہوالگءَ ایم کیو ایم ءِ درائیں تکانسری دور کنگءِ پنتء ُ شون کتگ۔ پنچ شمبے ءِ روچءَ مزن وزیر کارگس ءِ میڈیا ونگ ءَ چہ شنگ بوتگیں بیان ءِ ردءَ مزن وزیر محمد شہباز شریف ءَ گوں متحدہ قومی موومنٹ ءِ ڈل ءَ گندء ُنندکتگ۔ گندء ُنندءِ تہا ملک ءِ سرجمیں سیاسی جاورھال ءِ سرءَ ھیال ء ُ لیکہ ءِ درشانی کنگ بوتگ۔ مزن وزیر ءَ بنجاہ وزیر احسن اقبال ءَ را مردم شماری ءِ ہوالگ ءَ ایم کیو ایم ءِ درائیں تکانسری آناں زوتاں چہ زوت ہلاس کنگ ءِ پنتء ُ شون کتگ۔ ایم کیو ایم ءِ ڈل ءَ مردم شماری ءِ سرءَ ایم کیو ایم ءِ تکانسری آناں زوت ہلاس کنگءَ مزن وزیر ءِ شکرء ُمنت گپتگ۔ ایم کیو ایم ءِ ڈل ءَ کنوینئر ایم کیو ایمء ُ راجی اسمبلی ءِ باسک خالد مقبول صدیقی، انفارمیشن ٹیکنالوجی و ٹیلی کام ءِ بنجاہی وزیر سید امین الحق، راجی اسمبلی ءِ پیسرگیں باسک فاروق ستار ء ُ پیسرگیں سینیٹر مصطفیٰ کمال ہوار بوتگ اَنت۔ اے موہ ءَ منصوبہ بندی ء ُ دیمروئی ءِ بنجاہی وزیر احسن اقبال ہم ساڑی بوتگ۔
