اسلام آباد۔27اپریل (اے پی پی): مزن وزیر محمد شہباز شریف ءَ راجی اسمبلی ءَ چہ اوست ءِ ووٹ گرگءَپد حکومت ءِ ہمراہ داریں جماعت آنی باسکانی شکرء ُمنت گپتگ۔ پنچ شمبے ءِ روچءَ راجی اسمبلی ءَ مزن وزیر ءِ سرءَ اوستءِ تپاک نامہ ءِ منظوری ءَ پد حکومت ء ُ ہمراہ داریں جماعت آنی باسکاں وشی ءِ درشانی کتگ۔ مزن وزیر ءَ اوست ءِ ووٹ گرگء َ پد پاکستان پیپلز پارٹی ء ِ چئیرمین ء ُ دری کارانی وزیر بلاول بھٹو زرداری ءِ سیٹءِ سرءَ شتگء ُ آئی ءِ شکرء ُ منت گپتگ۔ آئی ءَ ابید مزن وزیر جے یو آئی (ف)، اے این پی، بی این پی مینگل، بلوچستان عوامی پارٹی ء ُ ایم کیو ایمءَ ہوار ایندگہ باسکانی سیٹ آنی سرءَ شتگء ُ آیانی شکرء ُ منت گپتگ۔
