کراچی۔ 21مئی (اے پی پی) صدر مملکت ممنون حسین پارینے کہ لس کھاتہ دار، پوریا گر و صنعت کارآتا ویل آتا ایسری آن راج اٹی است جمی ودی مریک و ریاست آ الس نا پت اٹی ودکی مریک ہراصنعتی و واپاری سرجزآک زور ہلیرہ و قومی معیشت سوگو مریک۔ اوداخیال آتا درشانی ئِ بینکنگ محتسب انیس الحسن موسوی تون یک شنبے نا دے داڑے رخصتی اوڑدہی ٹی کرے۔ انیس الحسن موسوی صدر مملکت ئِ تینا ادارہ نا کارکڑد نا بارواٹی پارے۔ صدر مملکت داوخت آ پارے کہ بینکنگ محتسب تینا زمواری تے بے کچ خواری و ایمانداری اٹ ادا کرے۔ اوبینکنگ محتسب نا ادارہ نا کارکڑد نا ستائِ کرسا پارے کہ لس کھاتہ دار، پوریاگر و صنعت کار آتا ویل آتا ایسری آن راج اٹی است جمی ودی مریک و ریاست آ الس نا پت اٹی ودکی مریک ہراصنعتی و واپاری سرجزآک زور ہلیرہ و قومی معیشت سوگو مریک۔ صدر مملکت بینکاری آن تعلقدار ویل آتا ایسری نا چرجوئی ٹی بینکنگ محتسب نا گام گیج آتا ستائِ کرے۔
