اسلام آباد۔ 27 اپریل (اے پی پی) وزیراعظم محمد شہباز شریف پارینے کہ چین نا وزیراعظم لی کیانگ تون او تین پہ تینی است خواہی نا ہڑتوم آ کنڈآتا علاقائی و جہانی امور تیا گپ وتران کرے و سی پیک تون اوار پاکستان و چین نا ایلو ڈٹ آتیا پیش رفت نا جاچ ءِہلک۔ پنچ شنبے نادے آ تینا اسہ ٹویٹ اسے ٹی وزیراعظم پارے کہ او چین نا وزیراعظم لی کیانگ تون ٹیل فون آ جوان و بھرمی گپ وتران کرے ہراٹی تین پہ تینی است خواہی نا ہڑتوم آ کنڈآتا ، علاقائی و جہانی امور آ گپ وتران کننگا۔ وزیراعظم پارے کہ پاکستان جہانی امن و سوگوی ءِ پک کننگ کن چین انا گام گیج آتا ستاءِ کیک۔ وزیراعظم پارے کہ او چین نا بنداوی باندات آتیا اونا پورو مخ تفی نا درشانی ءِ کرینے و پاکستان کن چین نا بدل مفروک مخ تفی نا ستاءِ کرینے۔ وزیراعظم پارے کہ نن سی پیک تون اوار پاک چین گام گیج آتیا پیش رفت نا ہم جاچ ءِ ہلکن و کنے یقین ءِ کہ چین جدیدیت نا کنڈآ پیش رفت ءِ برجاتخک۔
