اسلام آباد۔27 اپریل (اے پی پی) اسپیکر و ڈپٹی اسپیکر قومی اسمبلی خیرپور نا خڑک کراچی آن لاہور آ ہنوک آ کراچی ایکسپریس نا بوگی ٹی خاخر لگنگ اٹی مروک آ جونی نسخان تیا ڈکھیائی و است ہسونی نا درشانی ءِ کرینو۔ پنچ شنبے نادے آ قومی اسمبلی سیکرٹریٹ آن جاری بیان نا رداٹ اسپیکر قومی اسمبلی راجہ پرویز اشرف و ڈپٹی اسپیکر زاہد اکرم درانی شکست اٹی زوال کروک آ خاہوت آتون ہمدردی نا درشانی ءِ کرینو۔ اوفک اللہ تعالیٰ آن ایماندار تا بخشش و خاہوت ءِ دا بے بدل نسخان ءِ سگنگ کن حوصلہ و ہمت عطاکننگ نا دعاکریر۔ اسپیکر وڈپٹی اسپیکر ٹھپی تا زوت دراخ جوڑی کن دعا و تعلقدار کمامدارآتے ٹھپی تے گچین طبی آسراتی تا فراوانی نا پارت ہم کریر۔
