اسلام آباد۔ 27 اپریل (اے پی پی) قومی ادارہ جان جوڑی (این آئی ایچ ) پارینے کہ مچ آ ملک اٹی 24 گھنٹہ ٹی کورونا دین انا 21 کیس رپورٹ مس و 10 ناجوڑ آتا حالیت نازرک ءِ۔ پنچ شنبے نادے آ این آئی ایچ نا کنڈآن جاری حساب وکتاب نا رداٹ مچ آملک اٹی 24 گھنٹہ ٹی کورونا دین انا اسہ ہزار 768 ٹیسٹ کننگا ہرافتیان 21 بندغ آتا ٹیسٹ مثبت بس ہندا وڑ مثبت کیس آتا کچ 1.19 درسد ئسک و داوخت آ کورونا دین آن اسہ ناجوڑ اس ہم زوال کتنے و 10 ناجوڑ آتا حالیت نازرک ءِ۔ ملک انا چندی شار تیٹی 24 گھنٹہ ٹی کروک آ کورونا ٹیسٹ و مثبت کیس آتا بابت ملتان اٹی 69 ٹیسٹ کننگا ہرافتیان 2 بندغ آتا ٹیسٹ مثبت بس و ہموڑے کچ 2.90 درسد ئسک، لاہور اٹی 265 ٹیسٹ آتیان 6 انا ٹیسٹ مثبت بس و کچ 2.26 درسد ئسک وخت اس کہ میر پور اٹی کروک آ 65 ٹیسٹ آتیان اسہ ٹیسٹ اس ہم مثبت بتنے۔
