اسلام آباد۔ 27 اپریل (اے پی پی) بلوچستان باکسنگ ایسوسی ایشن نا کنڈآن بلوچستان باکسنگ مینز اینڈ ویمنز ٹیم تا گچین کاری نا چرجوئی ٹی اِرادے ئی ٹرائلز 29 اپریل آن ایوب اسٹیڈیم باکسنگ ایرنا کوئٹہ ٹی بناکیک۔ بلوچستان باکسنگ ایسوسی ایشن نا سیکرٹری سید حفیظ آغا پارے کہ گچین مروک آ ٹیمک بروک آ تُو مئی ٹی کوئٹہ ٹی مروک آ نیشنل گیم تیٹی بشخ ہلیرہ۔ نرینہ غاتیٹی سینزدہ ویٹ کیٹگری نا مقابلہ تخنگانے ہرافتے ٹی 48 کلوگرام، 51 کلوگرام، 54 کلوگرام، 57 کلوگرام، 60کلوگرام، 63 کلوگرام، 67کلوگرام، 71کلوگرام، 75کلوگرام، 80کلوگرام، 86کلوگرام، 92 کلوگرام و پلس 92کلوگرام نا مقابلہ اوار ءِ۔ زالبول آتا ہفت ویٹ کیٹیگری تا مقابلہ تخنگانے ہرافتے ٹی 48 کلوگرام،، 50 کلوگرام،52 کلوگرام،54 کلوگرام،57 کلوگرام،60 کلوگرام و 81 کلوگرام نا مقابلہ اوار ءِ۔ ٹرائلز نا وخت آ گوازی گرآتے تینتون اوار اصل شناختی کارڈ یا’ب‘ فارم ءِ اتوئی مریک ۔
