مچ آ ملک اٹی 24 گھنٹہ ٹی کورونا دین انا 7 کیس رپورٹ، 12 ناجوڑ آتا حالیت نازرک

اسلام آباد۔ 26 اپریل (اے پی پی) مچ آملک اٹی 24 گھنٹہ ٹی کورونا دین انا 7 کیس رپورٹ مس و 12 ناجوڑ آتا حالیت نازرک ءِ۔ چارشنبے نادے آ قومی ادارہ جان جوڑی (این آئی ایچ) نا کنڈآن جاری حساب وکتاب نا رداٹ مچ آ ملک اٹی 24 گھنٹہ ٹی کورونا دین انا 515 ٹیسٹ کننگا ہرافتیان 7 بندغ آتا ٹیسٹ مثبت بس و ہنداوڑ مثبت کیس آتا کچ 1.36 درسد ئسک و داوخت آ کورونا دین آن اسہ ناجوڑ اس ہم زوال کتنے و 12 ناجوڑ آتا حالیت نازرک ءِ۔ملک انا چندی شارتیٹی 24 گھنٹہ ٹی کروک آ کورونا ٹیسٹ و مثبت کیس آتا بابت اسلام آباد اٹی 57 ٹیسٹ آتیان 2 ٹیسٹ مثبت بس و کچ 3.51 درسد ئسک۔