عمران خان ہر گڑانا دوبہ ءِ جنرل باجوہ غا خلیک، او ورندی ایتے کہ انت بیرہ ہیلی کاپٹر نا چکر کن وزارت عظمیٰ نا کرسی آ تولوک ئسک؟ ، مریم اورنگزیب

اسلام آباد۔ 26 اپریل (اے پی پی) بنجائی وزیر حوالکاری و شینکاری مریم اورنگزیب پارینے کہ عمران خان ہرگڑانا دوبہ ءِ جنرل باجوہ غا خلیک، او ورندی ایتے کہ انت او بیرہ ہیلی کاپٹر نا چکر کن وزارت عظمیٰ نا کرسی آ تولوک ئسک؟، چارشنبے نادے آ تینا ٹویٹ اٹی بنجائی وزیر حوالکاری سوج کرے کہ انت 2018 ء ٹی حکومت باجوہ جوڑ کریسس؟، جہانی سازش باجوہ کرے؟ توشہ خانہ غان گھڑی تے باجوہ نا پاننگ آ دُزی کرے؟ ، ملک ریاض آن جواہر، زمینیں پنکی باجوہ نا پاننگ آ رشوت اٹی ہلک؟ سی پیک باجوہ نا پاننگ آ تورے، زرگزران بھس، آئی ایم ایف معاہدہ نا خلاف ورزی ءِ باجوہ نا پاننگ آکرے؟ اوپارے کہ انت میر جعفر ءِ ایکسٹینشن و ارٹ میکو ایکسٹینشن نا آفر باجوہ نا پاننگ آ تس؟ بزدار و پرویزالٰہی ءِ وزیراعلیٰ باجوہ نا پاننگ  آ خلک؟ پنجا ب وخیبرپختونخوا نا اسمبلی تے باجوہ نا پاننگ آ پرغا؟ اوپارے کہ انت عمران خان بیرہ تینا مرضی اٹ 55 روپئی ٹی بنی گالہ غان وزیراعظم ہاؤس ہیلی کاپٹراٹی چکر خلککہ؟۔