چیئرمین و ڈپٹی چیئرمین سینیٹ نا مسکوہی اسپیکر بلوچستان اسمبلی میر ظہور حسین کھوسہ نا کزیت آ ہڑزخواہی

اسلام آباد۔ 26 اپریل (اے پی پی) چیئرمین سینیٹ محمد صادق سنجرانی مسکوہی اسپیکر بلوچستان اسمبلی میر ظہور حسین کھوسہ نا کزیت آ ڈکھیائی و است ہسونی نا درشانی ءِ کرینے۔ تینا ہڑزخواہی کلہو اٹی چیئرمین سینیٹ ایماندار میر ظہور حسین کھوسہ نا سیاسی و راجی خذمت آتے خراج تحسین پیش کرسا پارے کہ ایماندار کھوسہ گچین ءُ انسان و سیاست دان اس ئسک۔ اوایماندار نا خاہوت تون ہڑزخواہی کرسا دعاکرے کہ اللہ تعالیٰ ایماندار نا درجہ غاتے بڑز کے و پدسلوک آخاہوت ءِ صبر وجمیل عطاکے۔ ڈپٹی چیئرمین سینیٹ ، مرزامحمد آفریدی ہم تینا جتا کلہو اٹی مسکوہی اسپیکر بلوچستان اسمبلی میر ظہور حسین کھوسہ نا کزیت آ ڈکھیائی و است ہسونی نا درشانی ءِ کرسا اوڑکن بخشش نا دعاکرے۔