ڈیرہ اسماعیل خان۔ 26 اپریل (اے پی پی) بنجائی وزیر مملکت تخفیف نیزگاری و راجی رکھ و پاکستان پیپلزپارٹی نا مرکزی سیکرٹری حوالکاری فیصل کریم کنڈی پارینے کہ مذاکرات نا بابت عمران خان غیر سنجیدہ ءِ، مستین اٹ پی ٹی آئی نا کنڈآن دہشت گرد آتون مذاکرات نا سوب آن پشاور، سوات تون اوار ایلو علاقہ غاتیٹی دہشت گردی نا واقعہ غاک دُوارہ کاٹم ہرفنگ ءُ، ہراتم اسکان ملک اٹی سزا وجزاناعمل مفک ، ہمووخت اسکان ملکی حالیت آک گچین مننگ کپسہ، اینو سیوتی حکومت ءِ زرگزرانی ویل، الیکشن نا اڈتننگ تون اوار ایلو ویل آک مون تروک ءُ۔ داخیال آتا درشانی ءِ او سرکٹ ہاؤس ڈیرہ و نیو خیرآباد کالونی ٹی سُوارہ نا وخت آ پریس کانفرنس اٹی کرے، داوخت آ پیپلزپارٹی نا ضلعی صدر ملک فرحان افضل دھپ، ڈویژنل راہشون سردار ملک محمد اقبال خان ایسر تون اوار ایلو سرکڑدہ غاک ساڑی ئسر، فیصل کریم کنڈی پارے کہ پیپلزپارٹی ملک اٹی اسہ دے اٹی گچین کاری تا مخ تف ءِ۔ گچین کاری تیان کس اس نرنگ نا کسر ءِ اختیار کپک، عمران خان پارے کہ مستین اٹ جنرل باجوہ نا پاننگ آ اسمبلی تے پرغان ، اوپارے کہ پی ٹی آئی امر ءُ سیاسی جماعت اسے ہرافتا بنا ہم ہنداہی سیبو تیان مس و اسمبلی تے ہم باجوہ نا پاننگ آ پرغنگا۔ اوپارے کہ پاکستان اسلامی جمہوریہ پاکستان ءِ، مسکوہی وزیراعظم، مسکوہی صدر و ایلوفتا فون ٹیب کننگا، نن اوفتا جاست وپاست نا خواست کینہ، اوپارے کہ آخبت گچین کاری تیٹی پارٹی ءِ فیصلہ کروئی ءِ کہ او تینا پلیٹ فارم آن گچین کاری تیٹی بشخ ہلے یا سیوتی تتون اواری اٹ گچین کاری تیٹی بشخ ہلنگے۔
