اسلام آباد۔25اپریل (اے پی پی): مزن وزیر ءِ ھاسیں کمکار جواد سہراب ملک ءَ برطانوی ہائی کمیشن ءِ ہائی کمشنر اینڈ ریوڈالیگیشن ءُ ڈپٹی ڈائریکٹر (ٹریڈ) ڈیپارٹیمنٹ برائے میاں اوستمانی تجارت حمید کمال ءَ گوں گند ءُ نند کت ایشی ءِ پد ءَ پاکستان ءُ برطانیہ ءِ نیام ءَ تجارتی ءُ سرمایہ کاری ءِ م یکوئی آناں دیمروئی دیگ ءِ واستہ گامگیج، برطانیہ ءَ نندوکیں پاکستانی آنی جیڈھ ءُ ارزشتی ایں دو نیمگی ءُ دمگی کار آنی ھوالگ ءَ ھیال ریچی کت۔ گند ءُ نند ءِ ساھت ءَ مزن وزیر ءَ ھاسیں کمکار ءَ ملکی معیشت ءَ را گیش سرمایہ کاری ءِ دیمروئی ءِ و استہ پاکستان ءَ جوانیں کاروباری ایٹماسپیئر پیداک کنگ ءِ اوست آناں سہرا کت۔ آئیءَ برطانیہ ءَ یک شلیں گیش ملکی سرمایہ کاری (ایف ڈی آئی) ءِ آسراتی ءِ واستہ مھکمیں گامگییج ءِ ضلورت ءِ سر ءَ زور پر دات۔ برطانیہ ءَ نندوکیں پاکستانی آنی ھوالگ ءَ جیڈھ آناں باست ءُ واست ھم کنگ بوت چیا کہ برطانیہ ءَ نندوکیں پاکستانی 1.6 ملین ءَ چہ گیش مردم آنی گس انت ھمے واستہ اے رد ھاسیں دلگوشی ءِ ضلورت انت۔ ہائی کمشنر اینڈ ریوڈالگلیش ءَجتا جتائیں شوبگ آنی تہ ءَ گیر ملکی سرمایہ کاری ءِ واستہ پاکستان ءِ اقتصادی ازم ءَ را کار مرز کنگ ءَ جھلانکیں واھشت دارگ ءِ درشان کت۔ آئیءَ بازیں شوبگ آنی تہ ءَ پاکستان ءُ برطانیہءِ نیام ءَ کوھنیں مھکمیں اقتصادی یکوئی آناں من ات۔ گند ءُ نند ءَ برطانیہ ءَ نندوکیں پاکستانی آنی جیڈھ آنی سر ءَ چار ءُ بچار کنگ ءِ جزم ءِ گوما تران بوت۔ گند ءُ نند ءِ ساھت ءَ ارزشتی ایں دو نیمگی ءُ دمگی کار آنی سر ءَ ھیال ریچی کنگ بوت۔
