اسلام آباد۔ 25 اپریل (اے پی پی ) بنجائی وزیر خزانہ و ریونیو سینیٹر محمد اسحاق ڈار ایف بی آر نا ٹیم آ پین زور شاغاکہ او ملک اٹی خراج نا حقی گمان تا دوئی کننگ کن تینا کوشست آتے ودفے۔ بنجائی وزیر خزانہ و ریونیو نا کماشی ٹی ایف بی آر نا ریونیو کارکڑد نا بابت سے شنبے نادے آ فنانس ڈویژن اٹی دیوان اس مس۔ وزیراعظم نا خصوصی کمکار خزانہ طارق باجوہ، خصوصی کمکار ریونیو طارق محمود پاشا، چیئرمین ایف بی آر، و فنانس ڈویژن و ایف بی آر نا ایلو سینئر آفیسر آک دیوان اٹی بشخ ہلکر۔ چیئرمین ایف بی آر عاصم احمد جولائی 2022آن مارچ 2023 نا ایف بی آر نا ریونیو ہدف وکارکڑد نا بارواٹی سرجمی اٹ پریزنٹیشن تس۔ داہیت انا درشانی ءِ کننگاکہ ایف بی آر مالی سال 2022-23نا ایلو تُو تیٹی تینا ہدف آتے پورو کننگ کن ہرممکن کوشست کیک۔ وزیرخزانہ است جمی نا درشانی ءِ کرے و ایف بی آر ءِ ریونیو نا وصولی کن تینا فرض انا سرتننگ اٹ پورو کمک فراوان کرے۔
