اسلام آباد۔ 25 اپریل (اے پی پی) چیئرمین سینیٹ محمد صادق سنجرانی سوات اٹی سی ٹی ڈی تھانہ ٹی دھماکہ نا ترند انگا لوز آتیٹی مذمت ءِ کرسا پارینے کہ دہشت گرد آک پاکستان نا شونداری آن خارزدہ ءُ، سیکورٹی فورس آک ملک انا دفاع کن بے مٹ قربانی تسنو، قوم سیکورٹی فورس آتا دا قربانی تے خراج عقیدت پیش کیک۔ سے شنبےنادے آ تینا ہڑزخواہی کلہو اٹی چیئرمین سینیٹ پارے کہ داواقعہ ٹی قیمتی جون تا نسخان آ بھاز است ہسونی مس۔ اوپارے کہ دہشت گرد ی نا دا ناسور ءِ زوت ماس کش کینہ۔ دہشت گرد آک پاکستان نا شونداری آن خارزدہ ءُ۔ چیئرمین سینیٹ ٹھپی تا زوت دراخ جوڑی کن دعا کرے۔ ڈپٹی چیئرمین سینیٹ مرزامحمد آفریدی، سینیٹ اٹی قائد ایوان محمد اسحاق ڈار و سینیٹ اٹی قائد حزب اختلاف ڈاکٹر شہزاد وسیم ئسک ہم واقعہ نا مذمت ءِ کریر۔
