اسلام آباد۔ 25 اپریل (اے پی پی) اسپیکر قومی اسمبلی راجہ پرویز اشرف و ڈپٹی اسپیکر زاہد اکرم درانی سی ٹی ڈی تھانہ کبل سوات اٹی دھماکہ نا مذمت ءِ کرسا پارینو کہ دہشت گرد آک تینا ناپاک عزم انا کمک اٹ کانود نافذ کروک آ ادارہ غاتا دہشت گردی نا برخلاف بدل مفروک جوزہ ءِ شکست تننگ کپسہ، کانود نافذ کروک آ ادارہ غاتا ملک اٹی دہشت گردی نا برخلاف پیش کروک آ قربانی تے مدام یات تخنگے۔ سے شنبےنادے آ تینا ہڑزخواہی کلہو اٹی اسپیکر و ڈپٹی اسپیکر نا دھماکہ ٹی کانود نافذ کروک آ کارندہ غاتا نہادی جونی نسخان تیا ڈکھیائی و است ہسونی نا درشانی ءِ کریر و زہمی خاہوت تون ہڑزخواہی کریر۔ اسپیکر وڈپٹی اسپیکر قومی اسمبلی ئسک پاریر کہ غم و ڈکھیائی نا مشکل نا ساہت اٹی زہمی خاہوت آتا ڈکھیائی ٹی بریبر نا شریک اُن۔
