اسلام آباد۔ 25 اپریل (اے پی پی) قومی ادارہ جان جوڑی (این آئی ایچ ) پارینے کہ مچ آ ملک اٹی تدوک آ 24 گھنٹہ ٹی کورونا دین انا 9 پوسکن ءُ کیس رپورٹ مسنے وخت اس کہ اونا 11 ناجوڑ آتا حالیت نازرک ءِ۔ این آئی ایچ نا کنڈآن جاری حساب وکتاب نا رداٹ مچ آ ملک اٹی 24 گھنٹہ ٹی کورونا دین انا 578 ٹیسٹ کننگا ہرافتیان 9 بندغ آتا ٹیسٹ مثبت بس ہندا وڑ مثبت کیس آتا کچ 1.56 درسد ئسک وداوخت آ کورونا دین آن اسہ ناجوڑ اس ہم زوال کتنے وخت اس کہ 11 ناجوڑ آتا حالیت نازرک ءِ۔ تدوک آ 24گھنٹہ ٹی کروک آ کورونا ٹیسٹ و مثبت کیس آتا بابت لاہور اٹی 54 ٹیسٹ آتیان 2 بندغ آتا ٹیسٹ مثبت بس و ہموڑے کچ 3.70 درسد ئسک۔
