گوادر، سمندر اٹی طغیانی نا خدشہ، محکمہ فشریز نا کنڈآن ماہی گیر آتے الرٹ مننگ ناپارت

کوئٹہ۔ 25 اپریل (اے پی پی) گوادر نا سمندر اٹی طغیانی نا خدشہ نا سوب آن محکمہ فشریز نا کنڈآن ماہی گیر آتے الرٹ مننگ نا پارت کننگانے۔ اسسٹنٹ ڈائریکٹر فشریز پسنی و اورماڑہ پارت جاری کرینو کہ جے ایم آئی سی سی نا کنڈآن جاری کروک الرٹ نا رداٹ 25 آن 26 اپریل اسکان بلوچستان نا کرکی علاقہ غاتیٹی ترند تہو تا چلینگ انگ آن سمندر اٹی طغیانی ناگمان ءِ ولے غٹ ماہی گیرآک 25 آن 26 اپریل اسکان کڑمب آ دیراٹی ہِننگ آن پاناد کیر۔ اومستی پاریر کہ تینا کشتی بمعہ انجن، جال و ایلو ماہی ازباب آتے رکھ تخر۔