کوئٹہ۔ 25 اپریل (اے پی پی) صوبائی وزیر آبپاشی حاجی محمد خان لہڑی پارینے کہ حلقہ گچین کاری ٹی ریکارڈ شونداری کاریم کرفسا الس تون کروک آ قول تے پورو کننگ اُن بے سوب تنقید کروک آک تینا مستین ءِ یات تخر ہرافک الس ءِ دروانا سیاست اٹ ڈبیفیر حلقہ گچین کاری ٹی بجلی روڈ، آبپاشی تعلیم تون اوار ایلو غٹ السی میگاپروجیکٹ آتا پوروی آن پد مخلوق نا مشکل …
گچین کاری حلقہ ٹی ریکارڈ شونداری کاریم کرفسا الس تون کروک آ قول آتے پورو کننگ اُن، حاجی محمد خان لہڑی
کوئٹہ۔ 25 اپریل (اے پی پی) صوبائی وزیر آبپاشی حاجی محمد خان لہڑی پارینے کہ حلقہ گچین کاری ٹی ریکارڈ شونداری کاریم کرفسا الس تون کروک آ قول تے پورو کننگ اُن بے سوب تنقید کروک آک تینا مستین ءِ یات تخر ہرافک الس ءِ دروانا سیاست اٹ ڈبیفیر حلقہ گچین کاری ٹی بجلی روڈ، آبپاشی تعلیم تون اوار ایلو غٹ السی میگاپروجیکٹ آتا پوروی آن پد مخلوق نا مشکل آتیٹی پیدوار وڑاٹ کمتی واقع مریک کینال سسٹم نا پورو بحالی اسکا ن نن آسرات تولپنہ، سیاسی تنقید کروک آک تینا مستین نا دور ءِ اقتدار آ نظر شاغر ہرافک الس ءِ کسمپرسی نا حالیت اٹی زند ءِ تیر کننگ آ بیوس کریر داسہ الس اٹی شعور بیدار مسنے او کس اسے نا درواٹی بفسہ۔ داخیال آتا درشانی ءِ او غفور آباد اٹی السی ڈل اتون گپ وتران کرسا کرے۔ داوخت آ مسکوہی صوبائی وزیر میر عبدالغفور لہڑی، حاجی احمد سلطان لہڑی ، ثناء اللہ لہڑی ، بابل لہڑی تون اوار ایلوسیاسی و قبائلی راہشونک ساڑی ئسر، حاجی محمد خان لہڑی پارے کہ ننا کارکڑد ملوک آ کتاب آنبار ءِ نن تینا دور ءِ اقتدار اٹی کشاری یونیورسٹی میڈیکل کالج فیض آباد غفور آباد آن ڈیرہ مراد جمالی بلیک ٹاپ روڈ۔ بھس نہری نظام نا گچینی بجلی آبنوشی تعلیمی ادارہ غاتا ڈٹ آتیا عملدرآمد ءِ پک کرین تانکہ الس حکومت نا دا گام گیج آتیان براہ راست فائدہ ہرفنگ کے۔
