صوبائی وزیر مواصلات سردار عبدالرحمان کھیتران نا سوات سی ٹی ڈی تھانہ غا خودکش جلہو نا ترند انگا لوز آتیٹی مذمت

کوئٹہ۔ 25 اپریل (اے پی پی) صوبائی وزیر مواصلات سردار عبدالرحمان  کھیتران تدوک آ دے سوات سی ٹی ڈی نا تھانہ غا خودکش جلہو نا سخت انگا لوز آتیٹی مذمت ءِ کرینے۔ جاری کروک بیان اٹی صوبائی وزیر مواصلات پولیس کارندہ غاتا ٹھپی مننگ آ ڈکھیائی و است ہسونی نا درشانی ءِ کرے۔ اوپارے کہ بلوچستان حکومت و الس ڈکھیائی نا داساہت اٹی شہید آتا خاہوت آتون تفوک ءُ و دہشت گردی نا برخلاف جنگ اٹی اادرہ غاتون ہم کوپہ سلوک ءُ۔ اوپارے کہ دہشت گرد آک پاکستان ءِ نزور کننگ خوارہ، ولے اوفتے سمامرے کہ او تینا ناپاک عزم اٹی سرسہب مفسہ، مچ آ قوم دہشت گردی نا چٹفنگ و امن کن نرزور فورس آتون سلوک ءُ۔ اوپارے کہ دہشت گردی نا برخلاف جنگ  اٹی پاک فوج، پولیس و ایلو سیکورٹی ادارہ غاتا قربانیک ناقابل فراموش ءُ۔ قوم دا قربانی تے زیان مننگ کن الیپک۔ وزیر مواصلات واقعہ نا شہید آتا درجہ غاتا بڑزی و ٹھپی تا زوت دراخ جوڑی کن دعا کرے وخت اس کہ دا است ہسون واقعہ غا بلوچستان نا حکومت ، الس و زہمی خاہوت تون ہمدردی نا درشانی ءِ کرے۔